ബഹ്റൈൻ പ്രതിഭ റിഫ മേഖലയുടെ ആഭിമുഖ്യത്തിൽ 4 മാസത്തോളം നീണ്ടു നിൽക്കുന്ന അരങ്ങ് 2K25 എന്ന കലാ കായിക സാംസ്കാരിക സാഹിത്യ മത്സരങ്ങളുടെ ഭാഗമായി വെള്ളിയാഴ്ച സിഞ്ച് അൽ അഹ് ലി സ്പോർട്സ് ക്ലബ് ഗ്രൗണ്ടിൽ ബഹ്റൈൻ തഗ് ഓഫ് വാർ അസോസിയേഷനുമായി സഹകരിച്ച് തോൾ ശൈലി,തരംഗ ശൈലി വിഭാഗങ്ങളിൽ വടംവലി മത്സരങ്ങൾ നടത്തി.വൈകീട്ട് 6 മണിക്കാരംഭിച്ച മത്സരങ്ങളിൽ 12 ടീമുകൾ ഇഞ്ചോടിഞ്ച് പോരാടിയപ്പോൾ തരംഗ ശൈലിയിൽ ആര്യൻസ് പൊന്നാനി വിജയികളായി
,കാനു ബ്രദേഴ്സ് ടീം റണ്ണേഴ്സ് അപ്പും,വോയ്സ് ഓഫ് ആലപ്പി ബി ടീം മൂന്നാം സ്ഥാനവും നേടി.തോൾ ശൈലിയിൽ എം.എം.എസ്.ഇ-കിംഗ്സ് ടീം വിജയികളായി,ആര്യൻസ് പൊന്നാനി റണ്ണേഴ്സ് അപ്പും,അരിക്കൊമ്പൻസ് ബഹ്റൈൻ മൂന്നാം സ്ഥാനവും കരസ്ഥമാക്കി.
ആദ്യ റൗണ്ട് മത്സരങ്ങൾക്ക് ശേഷം ബഹ്റൈൻ കെ.ഫ്.എ ഫൗണ്ടർ മെമ്പറും, കിക്ക്സ്റ്റാർട് ബഹ്റൈൻ മാനേജരുമായ ഹസീബ് അസീസ് ഉൽഘാടനം നിർവഹിച്ചു.പ്രതിഭ രക്ഷാധികാരി സമിതി അംഗവും ലോക കേരളസഭ അംഗവുമായ സി വി നാരായണൻ , പ്രതിഭ പ്രസിഡണ്ട് ബിനു മണ്ണിൽ ,അരങ്ങ് 2K25 ചെയർപേഴ്സൺ ഷീബ രാജീവൻ എന്നിവർ ആശംസകൾ അർപ്പിച്ചു സംസാരിച്ചു . ചടങ്ങിന് അരങ്ങ്2K25 കൺവീനർ ജയേഷ് വി കെ സ്വാഗതമോതുകയും മേഖല സെക്രട്ടറി മഹേഷ് അധ്യക്ഷത വഹിക്കുകയും ചെയ്തു.മത്സരങ്ങൾക്ക് ശേഷം പ്രതിഭ കേന്ദ്ര,മേഖല നേതൃത്വത്തിലുള്ളവർ ചേർന്ന് വിജയികൾക്കുള്ള സമ്മാനദാനവും ,ക്യാഷ് പ്രൈസുകളും തഗ് ഓഫ് വാർ അസോസിയേഷൻ റഫറിമാർക്കുള്ള ഉപഹാരവും ,മെമന്റോകളും നൽകി. കളി കാണാനെത്തിയവർക്ക് രുചികരമായ ഭക്ഷണം നൽകാനായി മേഖല വനിതാ വേദിയുടെ തട്ടുകടയും ഗ്രൗണ്ടിൽ സജീവമായിരുന്നു.
