airport arrest

ന്യൂഡൽഹി: വിമാനത്തിനുള്ളിൽ എയർ ഹോസ്റ്റസിനോട് അപമര്യാദയായി പെരുമാറിയ യാത്രക്കാരൻ പിടിയിലായി. ദുബൈയിൽ സോഫ്റ്റ് വെയർ എഞ്ചിനീയറായ മലയാളിയാണ് പിടിയിലായത്. ദുബൈ – ഹൈദരാബാദ് യാത്രക്കിടെ വെള്ളിയാഴ്ചയാണ് സംഭവം.ഭക്ഷണം വിളമ്പുന്നതിനിടെ യാത്രക്കാരൻ എയർഹോസ്റ്റസിൻ്റെ ശരീരത്തിൽ സ്പർശിക്കുകയായിരുന്നു. പരാതിയെ തുടർന്ന് ഇയാളെ അറസ്റ്റ് ചെയ്തെന്ന് ഹൈദരാബാദ് ആർജി ഐ എയർപോർട്ട് ഇൻസ്പെക്ടർ കങ്കയ്യ സമാപതി അറിയിച്ചു.

കൊച്ചി:സുരക്ഷജീവനക്കാര്‍ ബാഗിലെന്താണെന്ന് ചോദിച്ചത് യാത്രക്കാരന് ഇഷ്ടമായില്ല. മറുപടി പറയാത്തതിനാല്‍ ജീവനക്കാര്‍ ആവര്‍ത്തിച്ചു ചോദിച്ചതോടെ യാത്രക്കാരന്‍ പ്രകോപിതനായി. ബാഗില്‍ ബോംബാണെന്നായിരുന്നു മറുപടി. ഉടന്‍തന്നെ തമാശ പറഞ്ഞ യാത്രക്കാരന്‍ അറ സ്റ്റിലായി. എയര്‍ ഇന്ത്യ എക്‌സ്പ്രസ് വിമാനത്തില്‍ യാത്രചെയ്യാനെത്തിയ ബം ഗളൂരു സ്വദേശി ശ്രീധറിനെയാണ് (59) നെടുമ്പാശ്ശേരി പൊലീസ് അറസ്റ്റ് ചെയ്തത്. സുരക്ഷാവിഭാ ഗത്തിന്റെ പരാതിയെത്തുടര്‍ന്നായിരുന്നു അറസ്റ്റ്.് ഇയാളെ പിന്നീട് ജാമ്യത്തില്‍ വിട്ടയച്ചു. പക്ഷെ യാത്ര മുടങ്ങി.