uae

അബുദാബി: യുഎഇ നിവാസികൾക്കായി പ്രത്യേക ജാഗ്രതാ മുന്നറിയിപ്പ് പുറപ്പെടുവിച്ച് ദേശീയ കാലാവസ്ഥാ കേന്ദ്രം (എൻസിഎം). പൊടിപടലം നിറഞ്ഞ കാലാവസ്ഥ കണക്കിലെടുത്താണിത്. പൊടി നിറഞ്ഞ കൊടുങ്കാറ്റിൽ നിന്ന് രക്ഷ നേടുന്നതിനായി യുഎഇ നിവാസികൾ സ്വയം സംരക്ഷണമൊരുക്കണമെന്നും വസ്തുവകകൾ സംരക്ഷിക്കണമെന്നും കാലാവസ്ഥാ കേന്ദ്രം ചൂണ്ടിക്കാട്ടി. ഔദ്യോഗിക അറിയിപ്പുകളും നിർദേശങ്ങളും നിരന്തരം ശ്രദ്ധിക്കണമെന്നും ഔദ്യോഗിക റിപ്പോർട്ടുകൾ മാത്രം കണക്കിലെടുക്കുകയും തെറ്റായ പ്രചാരണങ്ങൾ നടത്താതിരിക്കുകയും ചെയ്യണമെന്നും നിർദ്ദേശമുണ്ട്. പൊടിപടലം നിറഞ്ഞ അന്തരീക്ഷം കനക്കുന്ന സാഹചര്യത്തിൽ ഇന്നലെ യുഎഇയിൽ വിവിധയിടങ്ങളിൽ യെല്ലോ അലർട്ട് പുറപ്പെടുവിച്ചിരുന്നു. […]