നിമിഷപ്രിയ കേസിൽ പരിമിതിയുണ്ടെന്നും നയതന്ത്ര ഇടപെടൽ ഈ വിഷയത്തിൽ ഫലം കണ്ടില്ലെന്നും കേന്ദ്രം. അറ്റോർണി ജനറലാണ് സുപ്രീം കോടതിയെ ഇക്കാര്യം അറിയിച്ചത്. നിമിഷപ്രിയയുടെ വധശിക്ഷ ഒഴിവാക്കുന്ന കാര്യങ്ങളെല്ലാം കേന്ദ്രസർക്കാർ ചെയ്തെന്നും ഇപ്പോഴും ചെയ്തു കൊണ്ടിരിക്കുക യാണെന്നും അറ്റോർണി ജനറൽ പറഞ്ഞു. യമനിലുള്ള ഒരു ഷേക്കിന്റെ സഹായം
തേടിയിരുന്നെന്നും ഈ വിഷയത്തിൽ എന്തൊക്കെ ചെയ്യുന്നു എന്ന കാര്യം പരസ്യപ്പെടുത്തുന്നത് തുടർശ്രമങ്ങളെ ബാധിക്കുമെന്നും അദ്ദേഹം അറിയിച്ചു. കൊല്ലപ്പെട്ട യമൻ പൗരന്റെ കുടുംബം ദയാധനത്തിൽ ഇതുവരെ നിലപാടെടുത്തിട്ടില്ല. കുടുംബം അഭിമാനപ്രശ്നമായാണ് ഇത് കാണുന്നതെന്നും അറ്റോർണി ജനറൽ പറഞ്ഞു. അതേ സമയം നിമിഷപ്രിയയെ രക്ഷിക്കുന്നതിൽ ദയാധനം കണ്ടെത്തുന്നത് തടസമല്ലെന്നും ഇക്കാര്യം രക്ഷാപ്രവർത്തനത്തെ ബാധിക്കരുതെന്നും ഹർജിക്കാർ ചൂണ്ടിക്കാട്ടി.
