കൊച്ചി: ഇന്ത്യന്‍ സൂപ്പര്‍ ലീഗില്‍ കേരള ബ്ലാസ്റ്റേഴ്സ് ഇന്ന് നോര്‍ത്ത് ഈസ്റ്റ് യുണൈറ്റഡിനെ നേരിടും. വൈകീട്ട് ഏഴരയ്ക്ക് കൊച്ചി ജവഹര്‍ ലാല്‍ നെഹ്റു സ്റ്റേഡിയത്തിലാണ് മത്സരം. ജയത്തോടെ തുടര്‍തോല്‍വികള്‍ക്ക് വിരാമമിട്ട് പോയിന്റ് പട്ടികയില്‍ മൂന്നാമതെത്തുകയാണ് കൊമ്പൻമാരുടെ ലക്ഷ്യം.
കഴിഞ്ഞ രണ്ട് ഐഎസ്‌എല്‍ മത്സരങ്ങളില്‍ ആറ് പോയിന്റും കേരള ബ്ലാസ്റ്റേഴ്സിന് നഷ്ടമായി.ബ്ലാസ്റ്റേഴ്സ് ഹോം ഗ്രൗണ്ടില്‍ തുടര്‍ച്ചയായ നാല് വിജയങ്ങളുമായി മികച്ചതാണ്. ഈ സീസണില്‍ ഇതുവരെ ഹോം ഗ്രൗണ്ടില്‍ നടന്ന ഏഴ് മത്സരങ്ങളില്‍ അഞ്ചിലും ബ്ലാസ്റ്റേഴ്സ് ജയിച്ചു.
