ഗ്യാസ്ട്രോണമി ടൂറിസം 9ാമത് വേള്‍ഡ് ഫോറത്തിന് എക്‌സിബിഷൻ വേള്‍ഡിൽ തുടക്കമായി. ഉദ്ഘാടന ചടങ്ങില്‍ ഇൻഫർമേഷൻ മന്ത്രി ഡോ.റംസാൻ ബിൻ അബ്ദുല്ല അല്‍ നോയ്മി, ടൂറിസം മന്ത്രിയും ചെയർപേഴ്‌സനുമായ ഫാത്തിമ ബിൻത് ജാഫർ അല്‍ സൈറാഫി എന്നിവർ പങ്കെടുത്തു.യു.എൻ വേള്‍ഡ് ടൂറിസം ഓർഗനൈസേഷൻ (യു.എൻ.ഡബ്ല്യു.ടി.ഒ), ബഹ്‌റൈൻ ടൂറിസം ആൻഡ് എക്‌സിബിഷൻസ് അതോറിറ്റി (ബി.ടി.ഇ.എ), ബാസ്‌ക് ക്യുലിനറി സെന്റർ എന്നിവയുടെ ആഭിമുഖ്യത്തിലാണ് പരിപാടി. ബഹ്‌റൈനിന്റെ ടൂറിസം രംഗത്തെ ശക്തമായി മുന്നോട്ട് കൊണ്ടുപോകുന്നതില്‍ അചഞ്ചലമായ പിന്തുണ നല്‍കുന്ന കിരീടാവകാശിയും പ്രധാനമന്ത്രിയുമായ പ്രിൻസ് സല്‍മാൻ ബിൻ ഹമദ് ആല്‍ ഖലീഫയോട് മന്ത്രി അല്‍ സൈറാഫി നന്ദി രേഖപ്പെടുത്തി.
