സിനിമാ മേഖലയിലെ സ്ത്രീകള്‍ നേരിടുന്ന പ്രശ്‌നങ്ങൾക്കുള്ള പരിഹാരത്തിന് ഫെഫ്ക സംഘടന. പരാതി നല്‍കാന്‍ ടോള്‍ ഫ്രീ നമ്പര്‍ നിലവിൽ വന്നു . ഇന്ന് വൈകീട്ട് നാല് മണിയോടെ നമ്പര്‍ ആക്ടീവ് ആകും. തുടർന്ന് 8590599946 എന്ന നമ്പറില്‍ പരാതികള്‍ അറയിക്കാം.
ടോള്‍ ഫ്രീ നമ്പറില്‍ എസ്എംഎസ് ആയും വാട്‌സ്ആപ് ആയും പരാതികള്‍ നല്‍കാം. ഷൂട്ടിങ്- പോസ്റ്റ് പ്രൊഡക്ഷന്‍ രംഗത്തെ പ്രശ്‌നങ്ങള്‍ക്ക് പരിഹാരം കാണുമെന്ന് ഫെഫ്ക ഭാരവാഹികള്‍ അറിയിച്ചു.സ്ത്രീകള്‍ മാത്രമാകും പരാതി പരിഹാര സെല്‍ കൈകാര്യം ചെയ്യുക. പരാതികള്‍ സ്വീകരിക്കുന്നതും പ്രാഥമിക വിലയിരുത്തല്‍ നടത്തുന്നതും സ്ത്രീകളായിരിക്കും. ഹേമ കമ്മിറ്റി റിപ്പോര്‍ട്ട് പുറത്തുവന്നതിന് പിന്നാലെ സിനിമാ മേഖലയില്‍ ഉയരുന്ന ലൈംഗികാതിക്രമ ആരോപണങ്ങള്‍ക്കിടെയാണ് ഫെഫ്കയുടെ ഇടപെടല്‍.ഇതിലൂടെ സിനിമാ മേഖലയിലെ സ്ത്രീകളുടെ പ്രശ്‌നങ്ങളൾക്ക് പരിഹാരം കാണാൻ കഴിയുമെന്നാണ് ഫെഫ്ക പറയുന്നത് .
