53-ാമത് ദേശീയദിനം (ഈദ് അൽ ഇത്തിഹാദ്) ആഘോഷിച്ച്‌ യു.എ.ഇ. ദേശീയദിനത്തിന്റെ ഭാഗമായുള്ള ഔദ്യോഗികചടങ്ങുകൾ അൽ ഐൻ നഗരത്തിൽനടക്കും. രാജ്യത്തിന്റെ സമ്പന്നമായ പൈതൃകവും ചരിത്രവും പ്രദർശിപ്പിക്കുന്ന ഒട്ടേറെ പരിപാടികൾക്ക് അൽ ഐൻ വേദിയാകും. 1971-ൽ യു.എ.ഇ. രാഷ്ട്രപിതാവ് ശൈഖ് സായിദ് ബിൻ സുൽത്താൻ അൽ നഹ്യാന്റെ നേതൃത്വത്തിൽ ഏഴ് എമിറേറ്റുകൾ ഒരു ഏകീകൃത രാഷ്ട്രമായതിന്റെ ചരിത്ര നിമിഷത്തെ അനുസ്മരിക്കാനാണ് എല്ലാ വർഷവും ഡിസംബർ രണ്ടിന് യു.എ.ഇ. ദേശീയ ദിനം ആഘോഷിക്കുന്നത്.ഈദ് അൽ ഇത്തിഹാദിന്റെ ഔദ്യോഗിക യൂട്യൂബ് ചാനൽ, വെബ്‌സൈറ്റ്, പ്രാദേശിക ടി.വി. ചാനലുകൾ, തിയേറ്ററുകൾ കൂടാതെ തിരഞ്ഞെടുത്ത പൊതുയിടങ്ങളിലും ദേശീയ ദിനാഘോഷങ്ങളുടെ തത്സമയ സംപ്രേഷണമുണ്ടാകും.
