തിരുവോണം ബമ്പർ ഒന്നാം സമ്മാനം ഇത്തവണയും അതിർത്തി കടന്നിരിക്കുകയാണ്. മലയാളികള്ക്ക് നിരാശ സമ്മാനിച്ചുകൊണ്ട് കർണാടക സ്വദേശിയായ അല്ത്താഫിനാണ് ഒന്നാം സമ്മാനമായ 25 കോടി അടിച്ചിരിക്കുന്നത്. കഴിഞ്ഞ 15 വർഷമായി കേരള ലോട്ടറി ടിക്കറ്റ് എടുക്കുന്ന വ്യക്തിയാണ് മെക്കാനിക്കായി ജോലി ചെയ്യുന്ന അല്ത്താഫ്.ഇത്തരമൊരു ഭാഗ്യം തേടിയെത്തിയതില് വളരെ സന്തോഷമുണ്ടെന്നും അല്ത്താഫ് പറയുന്നു. സാധാരണക്കാരനായ അല്ത്താഫിന് ലോട്ടറിത്തുക കൊണ്ട് വീട് വയ്ക്കാനാണ് ആഗ്രഹം. ബമ്പറടിച്ച തുക ഉപയോഗിച്ച് നല്ലൊരു വീട് വയ്ക്കണമെന്നും മകളുടെ വിവാഹം നടത്തണമെന്നും അല്ത്താഫ് മാധ്യമങ്ങളോട് പ്രതികരിച്ചു.സുല്ത്താന് ബത്തേരിയിലെ എന് ജി ആർ ലോട്ടറി ഏജന്സിയിൽ നിന്നാണ് അല്ത്താഫ് ടിക്കറ്റ് വാങ്ങിയത്.