അറബ് സാമൂഹികകാര്യ മന്ത്രിമാരുടെ കൗൺസിലിൻ്റെ 44-ാമത് സമ്മേളനത്തിന് തുടക്കമായി.അറബ് മേഖലയിലുടനീളമുള്ള സാമൂഹിക വികസനം മുന്നോട്ട് കൊണ്ടുപോകുന്നതിനുള്ള മുൻഗണനകൾ ചർച്ച ചെയ്യുന്നതിനായി അറബ് സാമൂഹിക വികസന കാര്യ മന്ത്രാലയങ്ങളുടെയും കൗൺസിലിൻ്റെ സാങ്കേതിക സെക്രട്ടേറിയറ്റിൻ്റെയും പ്രതിനിധികൾ യോഗത്തിൽ പങ്കെടുത്തു.
ബഹ്‌റൈൻ സാമൂഹിക വികസന മന്ത്രാലയത്തിലെ അണ്ടർസെക്രട്ടറിയും സെഷൻ്റെ ചെയർമാനുമായ സഹർ റാഷിദ് അൽ മന്നായി, സജീവമായ സാമൂഹിക പങ്കാളിത്തത്തിലൂടെ ദുർബല വിഭാഗങ്ങളെ ശാക്തീകരിക്കേണ്ടതിൻ്റെ പ്രാധാന്യം യോഗത്തിൽ വ്യക്തമാക്കി. ഇത്തരം ശ്രമങ്ങൾ സാമ്പത്തിക ശാക്തീകരണത്തിന് സംഭാവന നൽകുകയും സമഗ്രമായ സാമൂഹിക വികസന ലക്ഷ്യങ്ങളുമായി ഒത്തുചേരുകയും ചെയ്യുന്നുവെന്നും അൽ മന്നായ് കൂട്ടിച്ചേർത്തു.വരാനിരിക്കുന്ന അറബ് ഉച്ചകോടിയുടെ സാമൂഹിക അജണ്ടയ്ക്കായി തയ്യാറെടുക്കേണ്ടതിൻ്റെ ആവശ്യകതയും 2030 സുസ്ഥിര വികസന ലക്ഷ്യങ്ങൾ (എസ്ഡിജി) വ്യക്തമാക്കേണ്ടതിൻ്റെ ആവശ്യകതയും അൽ മന്നായ് അറിയിച്ചു.
