ബഹ്റൈൻ കേരളീയ സമാജത്തിലെ ഈ വർഷത്തെ നവരാത്രി ആഘോഷമായ നൃത്ത-സംഗീതോത്സവം, പ്രമുഖ പോലീസ് മേധാവിയും ഗായകനുമായ
എ.ഡി.ജി.പി എസ്.ശ്രീജിത്ത് ഐ.പി.എസ് അവതരിപ്പിച്ച ഗാനമേളയോടെ അവസാനിച്ചു നാലു ദിവസം നീണ്ടു നിന്ന നവരാത്രി ആഘോഷം ഈ മാസം 9 നാണ് ആരംഭിച്ചത്.
ആഘോഷങ്ങളുടെ ഭാഗമായി ബഹ്റൈനിലെ വിവിധ നൃത്താധ്യാപകരുടെയും സംഗീതാധ്യാപകരുടെയും ശിക്ഷണത്തിൽ പഠനം നടത്തുന്ന കുട്ടികൾ അവതരിപ്പിച്ച നൃത്ത സംഗീത പരിപാടികൾ ആദ്യ മൂന്നു ദിവസങ്ങളിലായി അരങ്ങേറി. നവരാത്രിച്ചടങ്ങുകൾകളുടെ സമാപന ദിവസമായ വിജയദശമി ദിനത്തിൽ പുലർച്ചെ നടന്ന വിദ്യാരംഭത്തിൽ എസ്.ശ്രീജിത്ത് ഐ.പി.എസ് കുരുന്നുകൾക്ക് ആദ്യാക്ഷരം കുറിച്ചു.
പ്രസിഡൻ്റ് പി.വി.രാധാകൃഷ്ണപിള്ളയുടെ അധ്യക്ഷതയിൽ വൈകുന്നേരം നടന്ന സമാപന യോഗത്തിൽ എസ്.ശ്രീജിത്ത് ഐ.പി.എസിനെ ആദരിച്ചു. സമാജം ജനറൽ സെക്രട്ടറി വർഗ്ഗീസ് കാരയ്ക്കൽ സ്വാഗതം ആശംസിച്ചു കലാവിഭാഗം സെക്രട്ടറി റിയാസ് ഇബ്രാഹിം, സാഹിത്യ വിഭാഗം സെക്രട്ടറി വിനയചന്ദ്രൻ നായർ എന്നിവരുടെ നേത്വത്തിൽ നാല് ദിവസത്തെ ഡാൻസ് , മ്യൂസിക്ക് നവരാത്രി കലാപരിപടികൾ നടത്തപ്പെട്ടു. നവരാത്രി പരിപാടിയുടെ കൺവീനർ ബിജു എം സതീഷും ജോയിന്റ് കൺവീനർ രജിത അനിയും കലാപരിപടികളുടെ ചുമതല ശ്രീദേവൻ പാലോട് നിയന്ത്രിച്ചു നവരാത്രിചടങ്ങിൽ ഭരണ സമിതി അംഗങ്ങളും ആഘോഷ കമ്മറ്റി അംഗങ്ങളുമടക്കം നിരവധി പേർ സന്നിഹിതരായിരുന്നു.
ആഘോഷങ്ങൾക്ക് സമാപനം കുറിച്ചു കൊണ്ട്, എസ്.ശ്രീജിത്ത് അവതരിപ്പിച്ച ഗാനമേളയിൽ ബഹ്റൈനിലെ ശ്രദ്ധേയ ഗായികയായ വിജിത ശ്രീജിത്തും പങ്കെടുത്തു.
