രോഗബാധിതനായി 38 ദിവസം ആശുപത്രിയില് കഴിഞ്ഞ ശേഷം രോഗം ഭേദപ്പെട്ട് ഫ്രാന്സിസ് മാര്പാപ്പ ആശുപത്രി വിട്ടു. അഞ്ച് ആഴ്ചകള്ക്ക് ശേഷം ആദ്യമായി മാര്പാപ്പ ഇന്ന് വിശ്വാസികള്ക്ക് മുന്നിലെത്തി. ജെമിലി ആശുപത്രിയിയിലെ ജനലരികില് വീല് ചെയറിലിരുന്നുകൊണ്ട് മാര്പ്പാപ്പ വിശ്വാസികള്ക്ക് ആശീര്വാദം നല്കുകയും അവരുടെ പ്രാര്ത്ഥനകള്ക്ക് നന്ദി പ്രകാശിപ്പിക്കുകയും ചെയ്തു.നൂറുകണക്കിന് വിശ്വാസികളാണ് ആശുപത്രി പരിസരത്ത് മാര്പാപ്പയെ ഒരുനോക്ക് കാണാനായി തടിച്ചുകൂടിയത്. മാര്പാപ്പ ഇന്ന് തന്നെ വത്തിക്കാനിലെ വസതിയിലേക്ക് മടങ്ങുമെന്നാണ് റിപ്പോര്ട്ടുകള്.മാര്പാപ്പയ്ക്ക് രണ്ട് മാസത്തെ വിശ്രമം ഡോക്ടേഴ്സ് നിര്ദേശിച്ചു. ബ്രോങ്കെറ്റിസ് ബാധയെ തുടര്ന്ന് ഗുരുതരാവസ്ഥയിലായ മാര്പാപ്പയെ ജെമിലി ആശുപത്രിയില് ഫെബ്രുവരി 14നാണ് പ്രവേശിപ്പിച്ചത്.കഴിഞ്ഞ ആഴ്ച മുതല് മാര്പാപ്പയുടെ ആരോഗ്യനിലയില് നല്ല പുരോഗതി ദൃശ്യമായി.വളരെ സങ്കീര്ണമായ രോഗാവസ്ഥയെയാണ് 88 വയസുകാരനായ ഫ്രാന്സിസ് മാര്പാപ്പ അതിജീവിച്ചത്.
