ബഹ്‌റൈനിലുള്ള എറണാകുളം നിവാസികളായ കുട്ടികൾക്കുവേണ്ടി ബിഎംസി ഹാളിൽ വച്ച് ഏപ്രിൽ പത്തിന് നടത്തിയ ഡ്രോയിങ് ആൻഡ് കളറിങ് മത്സരത്തിൽ, ജൂനിയർ / സബ് ജൂനിയർ വിഭാഗങ്ങളിലായി അൻപതോളം കുട്ടികൾ പങ്കെടുത്തു.
ബഹ്‌റൈനിലെ പ്രശസ്ത ഡ്രോയിങ് അധ്യാപകനായ ഹരിദാസ് കുഞ്ഞച്ചൻ കുട്ടികൾക്ക് നിർദേശങ്ങൾ നൽകുകയും മത്സരം നിയന്ത്രിക്കുകയും ചെയ്തു.തുടർന്ന് ജനറൽ സെക്രട്ടറി സുനിൽ ബാബു സ്വാഗതം പറഞ്ഞ ചടങ്ങിൽ, പ്രസിഡന്റ് സ്റ്റീവ്ൺസൺ അധ്യക്ഷ പ്രസംഗം നടത്തി, ലേഡീസ് വിംഗ് സെക്രട്ടറി ജിഷനാ രഞ്ജിത്, ലേഡീസ് വിംഗ് പ്രസിഡന്റ് നിക്സി ജെഫിൻ, മെമ്പർഷിപ് സെക്രട്ടറി ജയേഷ് ജയൻ, ജോയിന്റ് സെക്രട്ടറി സുജിത് കുമാർ, എക്സിക്യൂട്ടീവ് അംഗങ്ങളായ രഞ്ജിത് രാജു, ജിജേഷ്, കാർളിൻ എന്നിവർ ആശംസകളറിയിച്ചു സംസാരിച്ചു.ഏപ്രിൽ 25 ന് ബിഎംസി ഹാൾ ൽ വച്ച് നടക്കുന്ന ഫെഡ് ഈസ്റ്റെർ -ഈദ് -വിഷു പ്രോഗ്രാമിൽ വച്ച് വിജയികളെ പ്രഖ്യാപിക്കുമെന്ന് ഭാരവാഹികൾ അറിയിച്ചു.
