സൗദി സ്റ്റാറ്റിസ്റ്റിക്സ് ഫോറം 2025 ൽ ബഹ്റൈൻ ഇൻഫർമേഷൻ ആൻഡ് ഇ-ഗവൺമെന്റ് അതോറിറ്റി പങ്കെടുത്തു ‘Statistics for Sustainable Opportunities” എന്ന വിഷയത്തിൽ ഏപ്രിൽ 27, 28 തീയതികളിൽ റിയാദിൽ ജനറൽ അതോറിറ്റി ഫോർ സ്റ്റാറ്റിസ്റ്റിക്സ് ആണ് ഫോറം സംഘടിപ്പിച്ചത്.
സൗദി സാമ്പത്തിക, ആസൂത്രണ മന്ത്രിയുടെയും ജനറൽ അതോറിറ്റി ഫോർ സ്റ്റാറ്റിസ്റ്റിക്സിന്റെ ചെയർമാന്റെയും രക്ഷാകർതൃത്വത്തിൽ, പ്രാദേശികമായും അന്തർദേശീയമായും സ്റ്റാറ്റിസ്റ്റിക്കൽ മേഖലയിലെ മുതിർന്ന ഉദ്യോഗസ്ഥരുടെയും വിദഗ്ധരുടെയും പങ്കാളിത്തത്തോടെയാണ് ഫോറം നടന്നത്. ബഹ്റൈൻ ഐജിഎയെ പ്രതിനിധീകരിച്ച്, സ്റ്റാറ്റിസ്റ്റിക്സ് ആൻഡ് പോപ്പുലേഷൻ രജിസ്ട്രി ഡെപ്യൂട്ടി ചീഫ് എക്സിക്യൂട്ടീവ് ദുആ സുൽത്താൻ മുഹമ്മദ്, “സ്റ്റാറ്റിസ്റ്റിക്കൽ രീതിശാസ്ത്രത്തിലെ നവീകരണവും പുരോഗതിയും” എന്ന പാനൽ ചർച്ചയിൽ പങ്കെടുത്തു.
നൂതന സാങ്കേതികവിദ്യകൾ ഉപയോഗിച്ച് സ്ഥിതിവിവരക്കണക്കുകൾ മെച്ചപ്പെടുത്തുന്നതിനായി ബഹ്റൈൻ ആരംഭിച്ച നിരവധി പ്രധാന പദ്ധതികളും സംരംഭങ്ങളും സുൽത്താൻ അവലോകനം ചെയ്തു. പരിസ്ഥിതി മാറ്റങ്ങൾ നിരീക്ഷിക്കുന്നതിനും പ്രകൃതിവിഭവ മാനേജ്‌മെന്റ് മെച്ചപ്പെടുത്തുന്നതിനും റിമോട്ട് സെൻസിംഗും സാറ്റലൈറ്റ് ഇമേജറിയും ഉപയോഗിക്കുന്നതിന്റെ പ്രാധാന്യം സുൽത്താൻ എടുത്തുപറഞ്ഞു.
