കാർത്തിക് രാജ് സിനി പ്രൊഡക്ഷൻസ് കോൺവെക്സ് കോർപ്പറേറ്റ് ഇവന്റുമായി സഹകരിച്ച് ജൂൺ 19 വ്യാഴാഴ്ച EPIX, CINECO, MUKTA A2 സിനിമാസിൽ VOYAGE എന്ന മലയാള സിനിമ പുറത്തിറക്കുന്നു.സിബിൻദാസ് സംവിധാനം ചെയ്ത സ്ലീപോവർ, വൈശാഖ് കുളങ്ങര സംവിധാനം ചെയ്ത ബർത്ത് സർട്ടിഫിക്കറ്റ്, പ്രശോഭ് മേനോൻ സംവിധാനം ചെയ്ത ബിരിയാണിയും സാമ്പാറും എന്നീ മൂന്ന് സിനിമകളുടെ സംയോജനമായ ഒരു ആന്തോളജി ആവിഷ്കാരമാണ് ഈ സിനിമ .
ചിത്രത്തിൽ അഭിനയിച്ചിരിക്കുന്നതും അണിയറയിൽ പ്രവർത്തിച്ചിരിക്കുന്നതും ബഹ്‌റൈനിലെ ഇന്ത്യൻ സ്വദേശികളാണ് .പരാജയപ്പെട്ട ഒരു പുരുഷന്റെയും ജീവിതം ഒരു ചോദ്യം ചിന്നമായി നിൽക്കുന്ന ഒരു സ്ത്രീയുടെയും മൂന്ന് കോളേജ് പെൺകുട്ടികളുടെയും ജീവിതയാത്രയെക്കുറിച്ചാണ് ചിത്രം പറയുന്നത്. “ഓഡിയോയിലും വീഡിയോയിലും ഒരേ നിലവാരം പുലർത്തുന്ന ഒരു അന്താരാഷ്ട്ര സിനിമയായിട്ടാണ് തങ്ങൾ ഇത് നിർമ്മിച്ചത് എന്നും ആളുകൾക്ക് വളരെ മികച്ച തിയേറ്റർ അനുഭവം ലഭിക്കും എന്നും കാർത്തിക് രാജ് പ്രൊഡക്ഷൻസിന്റെ സ്ഥാപകനും സിനിമയുടെ നിർമ്മാതാക്കളിൽ ഒരാളുമായ കാർത്തിക് രാജ് പറഞ്ഞു. ബഹ്‌റൈനിലെ 3 തിയേറ്ററുകളിൽ റിലീസ് ചെയ്യാൻ കഴിഞ്ഞത് ഒരു വലിയ നേട്ടമാണെന്ന് പറഞ്ഞ സ്ലീപ്പവറിന്റെ സംവിധായകൻ സിബിൻദാസ് സിനിമയ്ക്ക് ഒരു സാമൂഹിക സന്ദേശമുണ്ട് എന്നും കൂട്ടിച്ചേർത്തു .ഭൂതകാലത്തിൽ ജീവിക്കുന്ന ഒരു സ്ത്രീയുടെ ജീവിതം ചിത്രീകരിക്കുന്ന ഒരു വൈകാരിക റോളർ കോസ്റ്ററാണ് ജനന സർട്ടിഫിക്കറ്റ് എന്ന സിനിമ പറയുന്നത് എന്ന് ബർത്ത് സർട്ടിഫിക്കറ്റ് ഡയറക്ടർ വൈശാഖ് കുളങ്ങര പറഞ്ഞു. ബിരിയാണിയും സാമ്പാറും ജീവിതത്തിൽ വിജയം കണ്ടെത്താൻ കഴിയാത്ത ഒരു സാധാരണക്കാരന്റെ ജീവിതത്തെയാണ് ചിത്രീകരിക്കുന്നതെന്ന് സംവിധായകൻ പ്രശോഭ് മേനോൻ പറഞ്ഞു. സിനിമ റിലീസ് ചെയ്യാൻ സഹായിച്ച കാർത്തിക് പ്രൊഡക്ഷന് മൂന്ന് സംവിധായകരും നന്ദി രേഖപ്പെടുത്തി
