തെരുവുനായ്ക്കളെ വന്ധ്യംകരിക്കാനുള്ള യജ്ഞവുമായി ബഹ്റൈൻ മുനിസിപ്പാലിറ്റി കൃഷി മന്ത്രാലയം . തെരുവ് നായ്ക്കളുടെ എണ്ണം കുറയ്ക്കുക, മൃഗങ്ങളുടെ ആരോഗ്യവും ക്ഷേമവും മെച്ചപ്പെടുത്തുക, രോഗങ്ങൾ പടരുന്നത് തടയുക എന്നിവയാണ് ഈ പദ്ധതിയുടെ പ്രധാന ലക്ഷ്യം. മനുഷ്യത്വപരമായ രീതിയിൽ തെരുവുനായ്ക്കളുടെ എണ്ണം നിയന്ത്രിക്കുന്നതിനുള്ള പദ്ധതിക്കായി ഈ മാസം തന്നെ മൃഗസംരക്ഷണ കമ്പനികളെ ക്ഷണിച്ചുകൊണ്ട് പുതിയ ടെൻഡറും പുറപ്പെടുവിക്കും. 2018ൽ ആരംഭിച്ച് താൽക്കാലികമായി നിർത്തിവെച്ചിരിക്കുകയായിരുന്ന പദ്ധതി പൊതുജനാരോഗ്യവും മൃഗക്ഷേമവും കണക്കിലെടുത്ത്, തെരുവ് നായ്ക്കളുടെ എണ്ണം കുറയ്ക്കുന്നതിനായി പുനരാരംഭിക്കുകയാണ് എന്നും മന്ത്രാലയം അറിയിച്ചിട്ടുണ്ട്.
