അമേരിക്കൻ പൗരത്വമുള്ള കുട്ടിയെഇന്ത്യൻ ദമ്പതികൾക്ക് ദത്തെടുക്കാൻ കഴിയില്ലെന്ന് കോടതി
ഇന്ത്യക്കാർക്ക് അമേരിക്കൻ പൗരത്വമുള്ള കുട്ടിയെ ദത്തെടുക്കാൻ അവകാശമില്ലെന്ന് മുംബൈ ഹൈകോടതി. ബന്ധുക്കളായാൽപ്പോലും ഇങ്ങനെ ദത്തെടുക്കാൻ കഴിയില്ല. യു.എസ് പൗരത്വമുള്ള തങ്ങളുടെ ബന്ധുവിന്റെ കുഞ്ഞിനെ ദത്തെടുക്കാൻ അനുവാദം നൽകണമെന്നാവശ്യപ്പെട്ട് ഇന്ത്യൻ ദമ്പതികൾ നൽകിയ ഹരജിയിലാണ് കോടതി ഉത്തരവ്. ജസ്റ്റിസ് രേവതി മോഹിത് ഡേരേ, നീര ഗോഖലെ എന്നിവരടങ്ങുന്ന ബഞ്ച് ബുധനാഴ്ചയാണ് നിർണായക വിധി പ്രഖ്യാപനം നടത്തിയത്.
അമേരിക്കൻ കുട്ടി ഏതെങ്കിലും തരത്തിലുള്ള സംരക്ഷണം ആവശ്യമുള്ള സാഹചര്യത്തിലല്ല ഉള്ളത്. അതിനാൽ തന്നെ ജുവനൈൽ ജസ്റ്റിസ് ആക്ട് പ്രകാരം കുട്ടിയെ ദത്തെടുക്കാനാകില്ല. പ്രത്യേക സാഹചര്യങ്ങളിൽ ഒഴികെ വിദേശ പൗരത്വമുള്ള കുട്ടികളെ ദത്തെടുക്കാൻ ഇന്ത്യൻ ദമ്പതികൾക്ക് ആക്ട് അനുവാദം നൽകുന്നില്ല.
