മലപ്പുറം: ദേശീയപാതയിൽ നിർത്തിയിട്ടിരുന്ന ലോറിയിൽ കാറിടിച്ച് പതിമൂന്നുകാരനായ വിദ്യാർഥി മരിച്ചു. ഇസാൻ ആണ് മരിച്ചത്. നാലു പേർക്ക് പരുക്കേറ്റിട്ടുണ്ട്. ആറുവരിപ്പാതയിൽ കാലിക്കറ്റ് സർവകലാശാലയ്ക്ക് സമീപം കോഹിനൂരിൽ ആയിരുന്നു അപകടം. പരുക്കേറ്റ രണ്ടുപേരുടെ നില ഗുരുതരമാണ്. ദേശീയപാതയിൽ നിർത്തിയിട്ടിരുന്ന മഹാരാഷ്ട്ര റജിസ്ട്രേഷനിലുള്ള ലോറിയിലാണ് കുടുംബം സഞ്ചരിച്ച കാർ ഇടിച്ചത്. ഇതിനുശേഷം കാർ സമീപത്തെ ഡിവൈഡറിൽ ഇടിച്ചു നിന്നു. സംഭവസമയത്ത് പ്രദേശത്ത് ചാറ്റൽമഴയുണ്ടായിരുന്നു.
