ന്യൂ ഇന്ത്യൻ സ്കൂൾ യുനെസ്കോ എക്സിബിഷൻ സംഘടിപ്പിച്ചു.ഐക്യരാഷ്ട്രസഭയുടെ സുസ്ഥിര വികസന ലക്ഷ്യമായ,നല്ല ആരോഗ്യം ക്ഷേമവും എന്നതിൽ അടിസ്ഥാനമാക്കി ഒക്ടോബർ 30 വ്യാഴാഴ്ച, ന്യൂ ഇന്ത്യൻ സ്കൂളിന്റെ ക്യാമ്പസിൽ “ആരോഗ്യത്തിലൂടെയും സന്തോഷത്തിലൂടെയും ഒരു യാത്ര” എന്ന പ്രമേയത്തിലാണ് സ്കൂളിൽ ആദ്യത്തെ യുനെസ്കോ പ്രദർശനം നടന്നത്.
ബഹ്റൈൻ വിദ്യാഭ്യാസ മന്ത്രാലയത്തിലെ സ്വകാര്യ സ്കൂളുകളുടെ ലൈസൻസിംഗ് ആൻഡ് ഫോളോ-അപ്പ് ഡയറക്ടറേറ്റ് ഡയറക്ടർ , ലുൽവ ഗസൻ അൽ മുഹന്നയും ,കായിക വിദ്യാഭ്യാസ വകുപ്പ് ഡയറക്ടർ ഡോ. നാദിർ മുഹമ്മദ് ജമാലിയും ചേർന്ന് പ്രദർശനം ഉദ്ഘാടനം ചെയ്തു.
വിശിഷ്ട ക്ഷണിതാക്കൾ, എംബസി പ്രതിനിധികൾ, വിദ്യാഭ്യാസ നേതാക്കൾ എന്നിവരും പരിപാടിയിൽ പങ്കെടുത്തു.
ആരോഗ്യം, സന്തോഷം, സുസ്ഥിരത എന്നിവയോടുള്ള വിദ്യാർത്ഥികളുടെ പ്രതിബദ്ധത എടുത്തു കാണിക്കുന്നത് ആയിരുന്നു പ്രദർശനം.മലിനീകരണത്തിന് മുമ്പും ശേഷവുമുള്ള ഭൂമിയെ ചിത്രീകരിക്കുന്ന, പരിസ്ഥിതിക ഉത്തരവാദിത്തം ആവശ്യകതയെ വ്യക്തമാക്കുന്ന “എർത്ത് ടണൽ” , ഓരോ വിഭാഗവും അവതരിപ്പിച്ച നൂതന മോഡലുകൾ, ആരോഗ്യ അവബോധ പദ്ധതികൾ, സംവേദനാത്മക പ്രദർശനങ്ങൾ എന്നിവയും ശ്രദ്ധേയമായി.
