ഇന്ത്യൻ സ്കൂൾ ഈ വർഷത്തെ സാമൂഹിക ശാസ്ത്ര ദിനം വിവിധ പരിപാടികളോടെ ആഘോഷിച്ചു. പരിപാടിയുടെ ഭാഗമായി രാഷ്ട്രപിതാവായ മഹാത്മാഗാന്ധിയെ അനുസ്മരിച്ചു. പ്രസംഗങ്ങൾ, ഗാന്ധി ഭജൻ, സൃഷ്ടിപരമായ അവതരണങ്ങൾ എന്നിവയിലൂടെ വിദ്യാർത്ഥികൾ സമാധാനത്തിന്റെയും സമത്വത്തിന്റെയും ശാശ്വത സന്ദേശത്തെക്കുറിച്ച് സംസാരിച്ചു. നീതിയുക്തമായ ഒരു സമൂഹം കെട്ടിപ്പടുക്കുക എന്ന മഹാത്മാവിന്റെ ദർശനത്തെ അവർ സ്മരിച്ചു. ദേശീയ ഗാനാലാപനത്തോടെയും സ്കൂൾ പ്രാർത്ഥനയോടെയും പരിപാടി ആരംഭിച്ചു. ശ്രേയ സോസ ജോൺ സ്വാഗതം പറഞ്ഞു. വിദ്യാർത്ഥികളുടെ കലാപരമായ കഴിവുകളും സാമൂഹിക വിഷയങ്ങളും പ്രദർശിപ്പിച്ചു. 4, 5 ക്ലാസുകളിലെ വിദ്യാർത്ഥികൾ പ്രചോദനാത്മകമായ നൃത്തം അവതരിപ്പിച്ചു, 5, 6, 7 ക്ലാസുകളിലെ വിദ്യാർത്ഥികൾ ദേശസ്നേഹ ഗാനം ആലപിച്ചു. 4, 5 ക്ലാസുകളിലെ വിദ്യാർത്ഥികളുടെ ഗാന്ധി ഭജന നിർവഹിച്ചു. ഇന്ത്യൻ സൈനികരുടെ ധീരതയ്ക്കും ത്യാഗങ്ങൾക്കും ആദരാഞ്ജലി അർപ്പിക്കുന്ന വീർഗാഥ പദ്ധതിയെക്കുറിച്ചുള്ള പവർ-പോയിന്റ് അവതരണമായിരുന്നു പരിപാടിയുടെ മുഖ്യ ആകർഷണം. 9, 10 ക്ലാസുകളിലെ വിദ്യാർത്ഥികളുടെ ദേശഭക്തി ഗാനം ഉൾപ്പെടെയുള്ള സംഗീത, നൃത്ത പ്രകടനങ്ങൾ ഐക്യത്തിന്റെ സന്ദേശം പകർന്നു. പരിസ്ഥിതി സന്ദേശം നൽകുന്ന വേസ്റ്റ് ടു ആർട്ട് എന്ന പ്രദർശനം ശ്രദ്ധേയമായി. ഇന്ത്യയുടെ വൈവിധ്യത്തെയും ദേശീയ ഏകീകരണത്തെയും ആഘോഷിക്കുന്ന ഗാനവും സാംസ്കാരിക പരിപാടിയിൽ ഉൾപ്പെടുത്തിയിരുന്നു. സർവ്വോദയ-എല്ലാവരുടെയും ക്ഷേമം എന്ന ഗാന്ധിജിയുടെ ദർശനത്തെക്കുറിച്ച് അസ്മ ഫാത്തിമ അഷ്റഫ് പ്രസംഗിച്ചു.
ഉപന്യാസ രചനാ മത്സരത്തിൽ നേഹ ജഗദീഷ് , പ്രീതിക എ.ടി, ആദ്യജ സന്തോഷ് എന്നിവർ സമ്മാനാർഹരായി.പ്രസംഗ മത്സരത്തിൽ അസ്മ ഫാത്തിമ അഷ്റഫ് ഒന്നാം സ്ഥാനം നേടി. ഹിരൺമയി അയ്യപ്പൻ നായർ, ഇവാഞ്ചലിൻ അബി എന്നിവർ യഥാക്രമം രണ്ടും മൂന്നും സ്ഥാനങ്ങൾ നേടി. ഗാന്ധി ഭജൻ മത്സരത്തിൽ, ആമില ഷാനവാസ് , പുണ്യ ഷാജി എന്നിവർ ഒന്നാം സ്ഥാനം നേടി. ആലിയ ഷാനവാസ് , പ്രത്യുഷ ഡേ രണ്ടാം സ്ഥാനത്തിന് അർഹരായി. ചരിത്രനായകർ മത്സരത്തിൽ കുട്ടികൾ ചരിത്രപരമായ ഭാവനയും സർഗ്ഗാത്മകതയും പ്രകടമാക്കി. ആൺകുട്ടികളുടെ വിഭാഗത്തിൽ ജെഫ് ജോർജ് ഒന്നാം സ്ഥാനം നേടി. അങ്കിത് ഗിരീഷ് കുമാർ സന്ധ്യ , ജോയൽ ജിനോയ് എന്നിവർ യഥാക്രമം രണ്ടും മൂന്നും സ്ഥാനങ്ങൾ നേടി. പെൺകുട്ടികളുടെ വിഭാഗത്തിൽ ജോവാൻ സിജോ ഒന്നാം സ്ഥാനം നേടി. ദീക്ഷ മേനോൻ രണ്ടാം സ്ഥാനവും നൈനിക ജിജു മൂന്നാം സ്ഥാനവും നേടി. ചിത്രരചനാ മത്സരത്തിൽ ശ്രീ ലക്ഷ്മി ഗായത്രി ഒന്നാം സ്ഥാനവും ഹൃദ്യ ഹെനി രണ്ടാം സ്ഥാനവും നേടി. അനയ് കൃഷ്ണ , ആഭ വിജു എന്നിവർ മൂന്നാം സമ്മാനം പങ്കിട്ടു. ക്വിസ് മത്സരത്തിൽ നവനീത് കൃഷ്ണയും ആരാധ്യ സന്ദീപും ഒന്നാമതെത്തി. ഇവാൻ സുബിൻ രണ്ടാം സമ്മാനവും വിദാദ് അബ്ദുൾ ലത്തീഫ് , ജോവാന മണിച്ചൻ എന്നിവർ മൂന്നാം സമ്മാനവും പങ്കിട്ടു. കവിതാ രചനാ മത്സരത്തിൽ ആയുഷ് ദേശായി ഒന്നാം സ്ഥാനവും വിഹാൻ ശ്രേയസ് കുമാർ രണ്ടാം സ്ഥാനവും സാറാ ജോസഫ് മൂന്നാം സ്ഥാനവും നേടി.
സ്റ്റാഫ് പ്രതിനിധി പാർവതി ദേവദാസ് സമ്മാനങ്ങൾ വിതരണം ചെയ്തു. സീനിയർ വിഭാഗം പ്രധാന അധ്യാപിക സിനി ലാൽ, ആക്ടിവിറ്റി പ്രധാന അധ്യാപികമാരായ ശ്രീകല ആർ നായർ, സലോണ പയസ് , സോഷ്യൽ സയൻസ് വകുപ്പ് മേധാവി ഷെൻസി ജോർജ് എന്നിവർ സന്നിഹിതരായിരുന്നു. സ്കൂൾ ചെയർമാൻ അഡ്വ. ബിനു മണ്ണിൽ വറുഗീസ്, സെക്രട്ടറി വി.രാജപാണ്ഡ്യൻ, അസി.സെക്രട്ടറിയും അക്കാദമിക അംഗവുമായ രഞ്ജിനി മോഹൻ, പ്രിൻസിപ്പൽ വി ആർ പളനിസ്വാമി, സീനിയർ സ്കൂൾ അക്കാദമിക് അഡ്മിനിസ്ട്രേഷൻ വൈസ് പ്രിൻസിപ്പൽ ജി സതീഷ്, വകുപ്പ് മേധാവി ഷെൻസി ജോർജ് എന്നിവർ ജേതാക്കളെ അഭിനന്ദിച്ചു
