ശബരിമല: മണ്ഡല, മകരവിളക്ക് തീര്ഥാടനത്തിന് തുടക്കം കുറിച്ച് 16ന് വൈകിട്ട് 5ന് നട തുറക്കും. നവംബര് 17 മുതല് പുലര്ച്ചെ 3 മുതല് ഉച്ചക്ക് 1 വരെയും ഉച്ചകഴിഞ്ഞ് 3 മുതല് രാത്രി 11നുള്ള ഹരിവരാസനം വരെയും നട തുറന്നിരിക്കുമെന്ന് ദേവസ്വം ബോര്ഡ് അറിയിച്ചു.
ഗണപതിഹോമം, അഷ്ടാഭിഷേകം, നെയ്യഭിഷേകം, ഉഷപൂജ, ഉച്ചപൂജ, നിത്യപൂജ, പുഷ്പാഭിഷേകം എന്നീ വഴിപാടുകള്ക്കുള്ള ഓണ്ലൈന് ബുക്കിങ്ങുകള് ആരംഭിച്ചു. നേരിട്ട് ടിക്കറ്റെടുത്ത് വഴിപാടുകള് നടത്തുന്നതിനും സൗകര്യമുണ്ടാകും.
ഓണ്ലൈന് വിര്ച്വല് ക്യൂ ബുക്കിങ് ആരംഭിച്ചു. പമ്പ, നിലയ്ക്കല്, എരുമേലി, വണ്ടിപ്പെരിയാര്, ചെങ്ങന്നൂര് എന്നിവിടങ്ങളില് തത്സമയ ബുക്കിങ് കൗണ്ടറുകള് ആരംഭിക്കും. ഓണ്ലൈന് ആയി 70,000 പേര്ക്കും തത്സമയ ബുക്കിങ് വഴി 20,000 പേര്ക്കും ദര്ശനം ലഭിക്കും. ഓണ്ലൈന് ദര്ശനം ബുക്കുചെയ്ത് ക്യാന്സല് ചെയ്യുമ്പോള് ആ ക്വാട്ട കൂടി തത്സമയ ബുക്കിങ്ങിലേക്ക് മാറും.
