രണ്ടാമത്തെ പീഡന കേസില് രാഹുല് മാങ്കൂട്ടത്തിലിന് മുന്കൂര് ജാമ്യം. ഉപാധികളോടെയാണ് മുന്കൂര് ജാമ്യം അനുവദിച്ചത്. തിരുവനന്തപുരം പ്രിന്സിപ്പല് സെഷന്സ് കോടതിയാണ് ജാമ്യം അനുവദിച്ചത്. സാക്ഷികളെ സ്വാധീനിക്കരുത്, അന്വേഷണവുമായി സഹകരിക്കണം തുടങ്ങിയ ഉപാധികളാണ് മുന്നോട്ട് വച്ചത്.കൂടുതല് വകുപ്പുകള് കൂടി ചേര്ത്ത വിവരം പ്രോസിക്യൂഷന് കോടതിയെ അറിയിച്ചിരുന്നു. പരാതിയില് ഉറച്ചു നില്ക്കുന്നതായി പെണ്കുട്ടി മൊഴി നല്കിയിരുന്നു. പെണ്കുട്ടിയുടെ രഹസ്യ മൊഴിയും കോടതിയില് ഹാജരാക്കിയിരുന്നു.ആദ്യ കേസില് രാഹുല് മാങ്കൂട്ടത്തിലിന്റെ അറസ്റ്റ് ഹൈക്കോടതി നേരത്തേ തടഞ്ഞിരുന്നു. ഹര്ജി അടുത്ത തവണ പരിഗണിക്കുന്ന 15 വരെ അറസ്റ്റ് ചെയ്യരുതെന്നാണു ജസ്റ്റിസ് കെ.ബാബുവിന്റെ ഉത്തരവ്. കഴിഞ്ഞമാസം 27 മുതല് രാഹുല് മാങ്കൂട്ടത്തില് ഒളിവിലാണ്.
