ബഹ്റൈൻ താമസ കേന്ദ്രങ്ങളെ ലക്ഷ്യമിട്ടുള്ള ഇറാൻറെ ആക്രമണത്തെത്തുടർന്ന് മരിച്ച ബഹ്റൈൻ പൗരന്റെ കുടുംബത്തിന് ആഭ്യന്തര മന്ത്രിയും സിവിൽ ഡിഫൻസ് കൗൺസിൽ ചെയർമാനുമായ ജനറൽ ഷെയ്ഖ് റാഷിദ് ബിൻ അബ്ദുല്ല അൽ ഖലീഫ അനുശോചനം രേഖപ്പെടുത്തി.സായുധ സേനയുടെ സുപ്രീം കമാൻഡറായ രാജാവ് ഹമദ് ബിൻ ഈസ അൽ ഖലീഫയുടെ നേതൃത്വത്തിലും കിരീടാവകാശിയും പ്രധാനമന്ത്രിയും സായുധ സേനയുടെ ഡെപ്യൂട്ടി സുപ്രീം കമാൻഡറുമായ രാജകുമാരൻ സൽമാൻ ബിൻ ഹമദ് അൽ ഖലീഫയുടെ നിർദ്ദേശങ്ങളിലും ശക്തമായ സാമൂഹികവും മാനുഷികവുമായ ബന്ധങ്ങളാലും ബഹ്റൈൻ രാജ്യം സുരക്ഷിതവും സുസ്ഥിരവുമായി നിലനിൽക്കുമെന്ന് ജനറൽ ഷെയ്ഖ് റാഷിദ് ബിൻ അബ്ദുല്ല അഭിപ്രായപ്പെട്ടു.മരിച്ചയാൾക്ക് നിത്യശാന്തി ലഭിക്കട്ടെയെന്നും അവരുടെ കുടുംബത്തിന് ക്ഷമയും ധൈര്യവും നൽകട്ടെയെന്നും ജനറൽ ഷെയ്ഖ് റാഷിദ് ബിൻ അബ്ദുല്ല പ്രാർത്ഥിച്ചു.
