ഇറാനിയൻ ആക്രമണത്തിൽ തകർന്ന 71 ഭവനങ്ങളുടെ അറ്റകുറ്റപ്പണികൾ പൂർത്തിയാക്കിയതായി തൊഴിൽ മന്ത്രാലയവും ഭവന, നഗരാസൂത്രണ മന്ത്രാലയവും അറിയിച്ചു . രാജാവ് ഹമദ് ബിൻ ഈസ അൽ ഖലീഫയുടെ നിർദ്ദേശങ്ങളും, കിരീടാവകാശിയും പ്രധാനമന്ത്രിയുമായ രാജകുമാരൻ സൽമാൻ ബിൻ ഹമദ് അൽ ഖലീഫയുടെ ഉത്തരവുകളും പാലിച്ചുകൊണ്ട് തകർന്ന വീടുകൾ പുനഃസ്ഥാപിക്കുന്നതിനുള്ള ചെലവ് സർക്കാർ വഹിക്കണമെന്ന ഉത്തരവ് നടപ്പിലാക്കിക്കൊണ്ട് പണികൾ പൂർത്തിയാക്കിയത്.
തൊഴിൽ മന്ത്രി ഇബ്രാഹിം ബിൻ ഹസ്സൻ അൽ ഹവാജും ഭവന, നഗരാസൂത്രണ മന്ത്രി അംന ബിൻത് അഹമ്മദ് അൽ റുമൈഹിയും വീടുകൾ സന്ദർശനത്തിനിടെയാണ് ഈ പ്രഖ്യാപനം നടത്തിയത്.ഇറാനിയൻ ആക്രമണത്തിൽ കേടുപാടുകൾ സംഭവിച്ച സ്വത്തുക്കളുടെ ആദ്യ ഘട്ടമാണിത് . അൽ ഹിദ് ഹൗസിംഗ് സിറ്റിയിലെ 30 വീടുകളും സിത്രയിലെ 19 വീടുകളും മറ്റ് പ്രദേശങ്ങളിലെ 22 വീടുകളും ഈ ഘട്ടത്തിലെ ഭവന യൂണിറ്റുകളിൽ ഉൾപ്പെടുന്നു. ആവശ്യമായ എല്ലാ സാങ്കേതിക, എഞ്ചിനീയറിംഗ് ജോലികളും പൂർത്തിയായി.
ഭവന, നഗരാസൂത്രണ മന്ത്രാലയവുമായി സഹകരിച്ച്, തൊഴിൽ മന്ത്രാലയം ഘട്ടം ഘട്ടമായി അറ്റകുറ്റപ്പണികൾ നടത്തിയതായും ഏറ്റവും കൂടുതൽ കേടുപാടുകൾ സംഭവിച്ച ഭവനങ്ങൾക്ക് മുൻഗണന നൽകിയതായും മന്ത്രി അൽ ഹവാജ് പറഞ്ഞു.വീടുകൾ താമസത്തിന് തയ്യാറാണെന്ന് ഉറപ്പാക്കുന്നതിന്, ഘടനയും സേവനങ്ങളുമായി ബന്ധപ്പെട്ട എല്ലാ ജോലികളും പ്രായോഗിക സാങ്കേതിക മാനദണ്ഡങ്ങൾക്കനുസൃതമായാണ് നടപ്പിലാക്കിയതെന്ന് അദ്ദേഹം അഭിപ്രായപ്പെട്ടു.നിർമ്മാണ പ്രവർത്തികൾ സുഗമമായി നടപ്പിലാക്കുന്നതിനായി ബന്ധപ്പെട്ട സ്ഥാപനങ്ങൾ തമ്മിലുള്ള ഏകോപനം തുടരുകയാണെന്ന് മന്ത്രി അൽ റുമൈഹി പറഞ്ഞു. നാശനഷ്ട വിലയിരുത്തൽ, അറ്റകുറ്റപ്പണികൾ, ഓരോ കേസിനും അനുയോജ്യമായ പരിഹാരങ്ങൾ, നഷ്ടപരിഹാര നടപടിക്രമങ്ങൾ എന്നിവ ഇതിൽ ഉൾപ്പെടുന്നു. ശേഷിക്കുന്ന ഘട്ടങ്ങൾ വേഗത്തിൽ പൂർത്തിയാക്കാനുള്ള ശ്രമങ്ങൾ തുടരുകയാണെന്നും, ദുരിതബാധിത കുടുംബങ്ങൾക്ക് എത്രയും വേഗം അവരുടെ വീടുകളിലേക്ക് മടങ്ങാൻ കഴിയുമെന്നും അവർ കൂട്ടിച്ചേർത്തു.ശേഷിക്കുന്ന കേടുപാടുകൾ സംഭവിച്ച വീടുകളുടെ അറ്റകുറ്റപ്പണികൾ പൂർത്തിയാക്കുന്നതിനുള്ള പ്രവർത്തനങ്ങൾ പുരോഗമിക്കുകയാണെന്നും, സമയബന്ധിതമായി പൂർത്തീകരണം ഉറപ്പാക്കുന്നതിന് ഗുണനിലവാരവും കാര്യക്ഷമതയും നിലനിർത്തുന്നുണ്ടെന്നും ഭവന മന്ത്രി അഭിപ്രായപ്പെട്ടു.ഭവന മന്ത്രാലയം ഗുരുതരമായ നാശനഷ്ടങ്ങൾ സംഭവിച്ച കുടുംബങ്ങളെ അറ്റകുറ്റപ്പണികൾ പൂർത്തിയാകുന്നതുവരെ സൽമാൻ സിറ്റിയിലെ പൂർണ്ണമായും സജ്ജീകരിച്ച അപ്പാർട്ടുമെന്റുകളിലേക്ക് താൽക്കാലികമായി മാറ്റിപ്പാർപ്പിച്ചു. പൂർണ്ണമായും തയ്യാറായിക്കഴിഞ്ഞാൽ വീടുകൾ കുടുംബങ്ങൾക്ക് കൈമാറും.
