ഇറാഖ് വ്യോമാതിർത്തിയിൽ നിന്ന് സൗദി അറേബ്യയ്ക്കെതിരെ നടന്ന ഡ്രോൺ ആക്രമണത്തിൽ ബഹ്റൈൻ അപലപിച്ചു .സൗദി അറേബ്യയുമായുള്ള ബഹ്റൈന്റെ പൂർണ ഐക്യദാർഢ്യം വിദേശകാര്യ മന്ത്രാലയം സ്ഥിരീകരിച്ചു. കൂടാതെ സൗദിയുടെ പരമാധികാരം, സുരക്ഷ, ജനങ്ങൾ എന്നിവ സംരക്ഷിക്കുന്നതിന് സ്വീകരിക്കുന്ന എല്ലാ നടപടികളെയും പിന്തുണയ്ക്കുന്ന എന്നും ഈ നിലപാട് ബഹ്റൈനും , സൗദിയും തമ്മിലുള്ള ആഴത്തിലുള്ള ബന്ധത്തെ പ്രതിഫലിപ്പിക്കുന്നുവെന്നും വിദേശകാര്യമന്ത്രാലയം വ്യക്തമാക്കി. ഡ്രോണുകൾ തടയുന്നതിലും നശിപ്പിക്കുന്നതിലും സൗദി വ്യോമ പ്രതിരോധ സേനയുടെ ജാഗ്രതയെയും വിദേശകാര്യ മന്ത്രാലയം പ്രശംസിച്ചു.
