എ ഐ ഉപയോഗിച്ച് സൃഷ്ടിക്കുന്ന വ്യക്തിഗത ഫോട്ടോകളും വീഡിയോകളും സോഷ്യൽ മീഡിയയിൽ ദുരുപയോഗം ചെയ്യുന്നതിനെതിരെ ജനറൽ ഡയറക്ടറേറ്റ് ഓഫ് ആന്റി കറപ്ഷൻ ആൻഡ് ഇക്കണോമിക് ആൻഡ് ഇലക്ട്രോണിക് സെക്യൂരിറ്റി മുന്നറിയിപ്പ് നൽകി.സോഷ്യൽ മീഡിയയിൽ ഉള്ളടക്കം പ്രസിദ്ധീകരിക്കുമ്പോഴും പങ്കിടുമ്പോഴും കൃത്യതയും ഉത്തരവാദിത്തവും പാലിക്കണമെന്നും , ഉള്ളടക്ക സമഗ്രത സംരക്ഷിക്കുന്നതിന് ആധുനിക സാങ്കേതികവിദ്യകൾ ബോധപൂർവ്വം ഉപയോഗിക്കണമെന്നും ഡയറക്ടറേറ്റ് എല്ലാവരോടും ആവശ്യപ്പെട്ടു. നിയമം ലംഘിക്കുന്നവർക്കെതിരെ കടുത്ത നിയമനടപടി സ്വീകരിക്കുമെന്നും ജനറൽ ഡയറക്ടറേറ്റ് മുന്നറിയിപ്പ് നൽകി.
