സമസ്ത ബഹ്റൈൻ “സാദ് അൽ മുത്തഖീൻ” എന്ന ശീർഷകത്തിൽ നടക്കുന്ന ത്രൈമാസ കാമ്പയിനിൻ്റെ ഭാഗമായുള്ള മെഡിക്കൽ ക്യാമ്പുകൾക്ക് ഇന്ന് വിവിധ എരിയകളിൽ തുടക്കമായി.ആത്മീയതയോടൊപ്പം ആരോഗ്യമുള്ള ഒരു തലമുറയെ വാർത്തെടുക്കുക എന്ന ലക്ഷ്യത്തോടെയാണ് ക്യാമ്പ് സംഘടിപ്പിക്കുന്നത്. വെള്ളിയാഴ്ച രാവിലെ 8 മണിക്ക് ആരംഭിച്ച് ഉച്ചയ്ക്ക് 12 ന് അവസാനിക്കുന്ന രീതിയിലാണ് ക്യാമ്പ് സജ്ജീകരിച്ചിരിക്കുന്നത്.ഇന്ന് വെള്ളിയാഴ്ച്ച ഗലാലി, റിഫ, ജിദാലി, ഹൂറ ഗുദൈബിയ എന്നീ അഞ്ച് ഏരിയകളിലും, ജൂൺ 12 വെള്ളിയാഴ്ച ഉമ്മുൽ ഹസം & സൽമാനിയ,ഹിദ്ദ്, ഹമദ് ടൗൺ എന്നീ ഏരിയകളിലും, ജൂൺ 19 വെള്ളിയാഴ്ച മനാമ ഏരിയയിലും മെഡിങ്ങൾ ക്യാമ്പുകൾ നടത്തപ്പെടും. ഒമ്പതോളം കേന്ദ്രങ്ങളിൽ തുടർച്ചായ മൂന്ന് വെള്ളിയാഴ്ചകളിലായി നടത്തപ്പെടുന്ന ക്യാമ്പിൽ ബൃഹത്തായ സൗകര്യങ്ങളാണ് കാമ്പയിൻ കമ്മിറ്റി ഒരുക്കിയിരിക്കുന്നത്.ശിഫാ അൽ ജസീറ, അൽ ഹിലാൽ, കിംസ് ഹോസ്പിറ്റൽ, ദാർ അൽ ശിഫാ, ആസ്റ്റർ ക്ലിനിക് തുടങ്ങിയ പ്രമുഖ ഹോസ്പിറ്റലുകളുടെ സഹകരണത്തോടെയാണ് മെഗാ മെഡിക്കൽ ക്യാമ്പ് സംഘടിപ്പിച്ചിരിക്കുന്നത്. എല്ലാ സഹോദരങ്ങളും നിങ്ങൾ താമസിക്കുന്ന ഏരിയകളിലെ ക്യാമ്പ് ഉപയോഗപ്പെടുത്തണമെന്ന് അഭ്യർത്ഥിക്കുന്നു
കൂടുതൽ വിവരങ്ങൾക്ക് +973 3965 7486 എന്ന നമ്പറിൽ ബന്ധപ്പെടുക
