തിരുവനന്തപുരം: അമ്പൂരിയിൽ കൂൺ കഴിച്ച് ദേഹാസ്വാസ്ഥ്യമുണ്ടായ ആറുപേരെ ആശുപത്രിയിൽ പ്രവേശിപ്പിച്ചു. ഇതിൽ മൂന്നുപേരുടെ നില ഗുരുതരമാണ്. അമ്പൂരി സെറ്റിൽമെന്റിലെ മോഹൻ കാണി, ഭാര്യ സാവിത്രി, മകൻ അരുൺ, അരുണിന്റെ ഭാര്യ സുമ, മക്കളായ അഭിജിത്, അനശ്വര എന്നിവർക്കാണ് കൂൺ കഴിച്ചതിന് പിന്നാലെ അസ്വസ്ഥതകൾ അനുഭവപ്പെട്ടത്. മോഹൻ, സാവിത്രി, അരുൺ എന്നിവരുടെ നില ഗുരുതരമാണെന്നറിയുന്നു. എല്ലാവരും കാരക്കോണം മെഡിക്കൽ കോളേജ് ആശുപത്രിയിൽ ചികിത്സയിലാണ്. വീട്ടുപറമ്പിലുണ്ടായിരുന്ന കൂണാണ് ഇവർ പാകം ചെയ്ത് കഴിച്ചത്.
