05
Jun 25
നിലമ്പൂര് ഉപതിരഞ്ഞെടുപ്പ്: 10 സ്ഥാനാര്ഥികള് മത്സരരംഗത്ത്
നിലമ്പൂര് ഉപതിരഞ്ഞെടുപ്പില് 10 സ്ഥാനാര്ഥികളാണ് മത്സര രംഗത്തുള്ളത്. ഇന്നായിരുന്നു നാമനിര്ദേശ പത്രിക പിന്വലിക്കുന്നതിനുള്ള അവസാന ദിവസം. അതിന്റെ സമയപരിധി അവസാനിച്ചു. പിവി അന്വര് കത്രിക ചിഹ്നത്തില് മത്സരിക്കും.കത്രിക ചിഹ്നം ലഭിച്ചതില് വളരെ സന്തോഷമെന്ന് അന്വര് പ്രതികരിച്ചത്. എല്ഡിഎഫ് സ്ഥാനാര്ഥി എം സ്വരാജ്, യുഡിഎഫ് സ്ഥാനാര്ഥി ആര്യാടന് ഷൗക്കത്ത്, എന്ഡിഎ സ്ഥാനാര്ഥി അഡ്വ. മോഹന് ജോര്ജ്, സ്വതന്ത്ര സ്ഥാനാര്ഥിയായ പിവി അന്വര് എന്നിവര് തമ്മിലാകും പ്രധാന മത്സരം എന്ന് ഉറപ്പായി.കഴിഞ്ഞ രണ്ട് തിരഞ്ഞെടുപ്പുകളില് ഓട്ടോറിക്ഷ അടയാളത്തിലായിരുന്നു അന്വര് മത്സരിച്ചത്.
