17
Aug 25
ആലപ്പുഴയിൽ സ്ത്രീ വീടിനുള്ളിൽ മരിച്ച നിലയിൽ കണ്ടെത്തി, മുറിയിൽ മുളകുപൊടി വിതറി, സ്വർണവളകൾ നഷ്ടപ്പെട്ടു
ആലപ്പുഴ: ഒറ്റയ്ക്ക് താമസിക്കുന്ന സ്ത്രീയെ വീട്ടിനുള്ളിൽ മരിച്ച നിലയിൽ കണ്ടെത്തി. തോട്ടപ്പള്ളി ഒറ്റപന ചെമ്പകപള്ളി റംലത്ത് കുഞ്ഞുമോൾ ആണ് മരിച്ചത്. ഞായറാഴ്ച വൈകിട്ട് അഞ്ചുമണിയോടെയാണ് പ്രദേശവാസികൾ ഇവരെ മരിച്ച നിലയിൽ കണ്ടത്. അമ്പലപ്പുഴ പൊലീസ് സ്ഥലത്തെത്തി പരിശോധന നടത്തി. കൊലപാതകം ആണെന്നാണ് പ്രാഥമികനിഗമനം. ഇവരുടെ രണ്ടു സ്വർണവളകളും നഷ്ടപ്പെട്ടിട്ടുണ്ട്. വീടിനുള്ളിൽ മുളകുപൊടി വിതറിയിട്ടുണ്ട്. വീടിന്റെ അടുക്കളവാതിൽ തുറന്നു കിടക്കുകയായിരുന്നു.
