കോസ്റ്റ്ഗാർഡിന്‍റെ നേതൃത്വത്തില്‍ ബഹ്റൈൻ ബേയിൽ നടത്തിയ സം‍യുക്ത പരിശോധനയില്‍ നിയമലംഘകരായ നിരവധി പേരെ പിടികൂടിയതായി ആഭ്യന്തര മന്ത്രാലയം അറിയിച്ചു.സമുദ്ര പ്രവർത്തനങ്ങള്‍ നിരീക്ഷിക്കുകയും, ബോട്ട് വാടകക്ക് നല്‍കുന്ന സ്ഥാപനങ്ങള്‍ നിയമങ്ങള്‍ പാലിക്കുന്നുണ്ടെന്ന് ഉറപ്പാക്കുന്നതിനുമായിരുന്നു പരിശോധന. നിയമലംഘനം നടത്തിയവർക്കെതിരെ ശക്തമായ നടപടി സ്വീകരിച്ചിട്ടുണ്ട്. സമുദ്ര നിയമങ്ങള്‍ എല്ലാവരും പാലിക്കണമെന്നും നിയമലംഘനങ്ങള്‍ ആവർത്തിക്കാതിരിക്കാൻ ശ്രദ്ധിക്കണമെന്നും കോസ്റ്റ്ഗാർഡ് മുന്നറിയിപ്പ് നല്‍കി.
