കഠിനമായ ശിക്ഷകള് ഉള്പ്പെടെ ഗതാഗത നിയമത്തിലെ ചില വ്യവസ്ഥകള് ഭേദഗതി ചെയ്തുകൊണ്ടുള്ള ഡിക്രി നിയമം പുറപ്പെടുവിച്ചത്, ജീവനും സ്വത്തും സംരക്ഷിക്കുന്നതിലും നിയമനിർമ്മാണ സംവിധാനം വികസിപ്പിക്കുന്നതിലും രാജാവ് ഹമദ് ബിൻ ഈസ അല് ഖലീഫയുടെ ദർശനത്തെ പ്രതിഫലിപ്പിക്കുന്നതാണെന്ന് ആഭ്യന്തര മന്ത്രിയും ട്രാഫിക് കൗണ്സില് ചെയർമാനുമായ ജനറല് ഷെയ്ഖ് റാഷിദ് ബിൻ അബ്ദുല്ല അല് ഖലീഫ പറഞ്ഞു.പൊതുജന സുരക്ഷ സംരക്ഷിക്കുന്നതിനും ഗതാഗത അപകടങ്ങള് കുറയ്ക്കുന്നതിനും ലക്ഷ്യമിട്ടുള്ള നയത്തിലൂടെ കിരീടാവകാശിയും പ്രധാനമന്ത്രിയുമായ പ്രിൻസ് സല്മാൻ ബിൻ ഹമദ് അല് ഖലീഫയുടെ നേതൃത്വത്തിലുള്ള ഗവണ്മെന്റ് ഇതിനെ പിന്തുണയ്ക്കുന്നുണ്ടെന്നും അദ്ദേഹം കൂട്ടിച്ചേർത്തു.ഗതാഗത നിയമപ്രകാരം കർശനമായ ശിക്ഷകള് ഏർപ്പെടുത്തുന്നത് റോഡ് ഉപയോക്താക്കളുടെ പെരുമാറ്റം നിയന്ത്രിക്കുന്നതിനും നിയമലംഘകരെ തടയുന്നതിനും ഗുരുതരമായ അപകടങ്ങള്ക്ക് കാരണമാകുന്ന അപകടകരമായ രീതികള് കുറയ്ക്കുന്നതിനും സഹായിക്കുമെന്ന് ആഭ്യന്തര മന്ത്രി വ്യക്തമാക്കി.
