ബഹ്‌റൈൻ വനിതാ ദിനാഘോഷത്തിൽ ലൈറ്റ്സ് ഓഫ് കൈൻഡ്നസും വുമൺ എക്രോസും ചേർന്ന് കുട്ടികൾക്കായുള്ള ഹിദ്ദ് റീഹാബിലിറ്റേഷൻ സെൻ്റർ മേധാവി മാമാ ബസ്മയെ സന്ദർശിച്ചു.
അചഞ്ചലമായ സ്നേഹത്തോടെയും അർപ്പണബോധത്തോടെയും പ്രത്യേക ആവശ്യങ്ങൾ വേണ്ട കുട്ടികളെ സേവിക്കുന്ന മാമാ ബസ്മ ചെയ്യുന്ന എല്ലാ കാര്യങ്ങളിലുമുള്ള ലാളിത്യവും കൃപയും തീർച്ചയായും പ്രശംസനീയമാണ്. ബഹ്‌റൈനിലെയും സൗദി അറേബ്യയിലെയും T V അവാർഡ് ‘KAFU’ എന്ന അഭിമാനകരമായ നേട്ടം കൈവരിച്ച മാമാ ബസ്മ ബഹ്‌റൈനിലെ വിദ്യാഭ്യാസ സ്ഥാപനങ്ങളിൽ നിന്നുള്ള നിരവധി അംഗീകാരങ്ങളും നേടിയിട്ടുണ്ട്.
ഫസലുർ റഹ്മാൻ, അദ്‌നാൻ, ഹാജർ, ആയിഷ നിഹാര, സയ്യിദ് ഹനീഫ് എന്നിവരടങ്ങുന്ന ലൈറ്റ്സ് ഓഫ് കൈൻഡ്നസ്സ് ടീമും, സുമിത്ര, ജസ്മ വികാസ്, ദൃശ്യ ജ്യോതിഷ്, റീഷ്മ വിനോദ്, പ്രവീൺ നായർ എന്നിവരുൾപ്പെട്ട വുമൺ എക്രോസ് ടീമും സന്ദർശനത്തിൽ പങ്കെടുത്തു.
