ഒട്ടാവ: അധോലോക നേതാവും കുപ്രസിദ്ധ കുറ്റവാളിയുമായ ലോറൻസ് ബിഷ്ണോയിയും കൂട്ടരും കാനഡയുടെ തീവ്രവാദി പട്ടികയിൽ. കഴിഞ്ഞ ഏതാനും വർഷങ്ങളായി ബിഷ്ണോയിയും സംഘവും സിഖ്- കനേഡിയൻ പൗരന്മാർ ഉൾപ്പെട്ട ഖലിസ്താൻ അനുകൂല ഘടകങ്ങളെ ലക്ഷ്യമിടുന്നതായി റിപ്പോർട്ടുകൾ ഉണ്ടായിരുന്നു. അതിന് പിന്നാലെയാണ് കാനഡയുടെ പുതിയ നീക്കം. കാനഡയിലുള്ള എല്ലാവരുടെയും സുരക്ഷ ഉറപ്പാക്കുമെന്ന് കാനഡയിലെ പൊതുസുരക്ഷാ മന്ത്രി ഗാരി ആനന്ദസംഗ്രി പ്രതികരിച്ചു.
കാനഡയിലെ ഓരോ വ്യക്തിക്കും അവരുടെ വീട്ടിലും സമൂഹത്തിലും സുരക്ഷിതമായി ജീവിക്കാം. ഒരു സർക്കാർ എന്ന നിലയിൽ അവരെ സംരക്ഷിക്കണം. ബിഷ്ണോയി സംഘം ചില സമുദായങ്ങളെ ഭീകരതയ്ക്കും അതിക്രമത്തിനും ഇരയാക്കിയിട്ടുണ്ട്. ഈ സംഘത്തെ തീവ്രവാദി പട്ടികയിൽ ഉൾപ്പെടുത്തുമ്പോൾ അവരുടെ തീവ്രവാദപ്രവർത്തനങ്ങൾ തടയാൻ കഴിയുമെന്നാണ് ഗാരിയുടെ നിലപാട്്.
