‘ഒരുമിക്കാൻ ഒരു സ്നേഹതീരം’ എന്ന ആപ്ത വാക്യവുമായി കഴിഞ്ഞ അഞ്ചു വർഷമായി ബഹറിനിലെ സാമൂഹ്യ സാംസ്‌കാരിക സേവന മേഖലകളിൽ നിറഞ്ഞുനിൽക്കുന്ന സ്നേഹ കൂട്ടായ്മയുടെ അഞ്ചാമത്തെ വാർഷിക ആഘോഷത്തിന്റെ ഉത്ഘാടനം ബഹ്‌റൈൻ പാർലമെന്ററി അംഗമായ ഹസൻ ഈദ് ബുക്കമ്മാസ് നിർവഹിച്ചു. ചടങ്ങിൽ വിഷ്ടാഥിതി ആയ പ്രവാസി ഭാരതീയ സമ്മാൻ ജേതാവ് കെ ജി ബാബുരാജിനെ ആദരിച്ചു. അഞ്ചാം വാർഷികത്തിന് ആശംസകൾ അർപ്പിച്ചു കൊണ്ട് പ്രമുഖ സാമൂഹ്യ ജീവകാരുണ്യ പ്രവർത്തകനായ സയ്യിദ് ഹനീഫ, മീഡിയ വൺ ബ്യൂറോ ചീഫ് സിറാജ് പള്ളിക്കര എന്നിവർ സംസാരിച്ചു. പ്രജീഷ് റാം അധ്യക്ഷം വഹിച്ച ചടങ്ങിൽ റിഷാദ് സ്വാഗതവും, സൗമ്യ സജിത്ത് നന്ദിയും രേഖപ്പെടുത്തി. ഗ്രൂപ്പ്‌ അംഗങ്ങളായ രാഹുലും സാബുവും അവതാരകരായിരുന്നു.
ഗ്രൂപ്പിലെ കലാകാരൻമാരുടെയും കുട്ടികളുടെയും കലാവിരുന്ന് കണ്ണും മനസ്സും നിറച്ചെന്ന് കാണികൾ അഭിപ്രായപ്പെട്ടു.സമാന മനസ്കരായ ഏതാനും കൂട്ടുകാരുടെ ഹൃദയത്തിൽ രൂപപ്പെട്ട ആശയത്തിൽ നിന്നും പിറവി എടുത്ത ഹാർട്ട്‌ ഗ്രൂപ്പിന്റെ പ്രവർത്തനം അഞ്ച് വർഷം പിന്നീടുമ്പോൾ, സൗഹൃദ വലയത്തിന്റെ വലിയ വിജയമാണിതെന്ന് ഉത്ഘാടനം നിർവഹിച്ച എംപി ഹസ്സൻ ഈദ് ബുഖമ്മാസ് അദ്ദേഹത്തിന്റെ പ്രഭാഷണത്തിൽ പറഞ്ഞു.
സമൂഹത്തിൽ നഷ്ടപെടുന്ന സ്നേഹവും സൗഹാർദവും വീണ്ടെടുക്കാനും, പരസ്പരം തണലേകാനും, ഒറ്റപ്പെട്ട മനസുകൾക്ക് കരുത്തേകാനുമുള്ള തങ്ങളുടെ ശ്രമം ഊർജ്ജസ്വലമായി നിൽക്കുന്നു എന്നും ഇനിയും അത് തുടരും എന്നും ഹാർട്ട്‌ അംഗങ്ങൾ അറിയിച്ചു.ഹാർട്ട്‌ ഫെസ്റ്റ് ആഘോഷങ്ങളുടെ കൊടിയിറങ്ങുമ്പോൾ അഭിമാനിക്കാൻ ഏറെയുണ്ടെന്ന് ഏവരും ഒരെ സ്വരത്തിൽ അഭിപ്രായപ്പെട്ടു
