വെള്ളിയാഴ്ച 07/10/22 ബാൻസങ് തായ് ഹാളിൽ രാവിലെ 11 മണി മുതൽ നടന്ന കണ്ണൂർ ജില്ലാ പ്രവാസി അസോസിയേഷൻറെ പുതിയ കമ്മിറ്റിയുടെ സ്ഥാനാരോഹണവും അതിനോട് അനുബന്ധിച്ച് നടന്ന ഓണസദ്യയും ഹൃദ്യമായ ഒരു അനുഭവമായി. ബഹ്‌റൈൻ കേരളീയ സമാജം പ്രസിഡൻറ് പി വി രാധാകൃഷ്ണപിള്ള ഉദ്ഘാടനം ചെയ്ത പരിപാടിയിൽ ബഹ്‌റൈൻ ബി ഡി കെ ചാപ്റ്റർ ചെയർമാൻ കെ.ടി സലിം , എൻ.ഒ രാജൻ എന്നിവർ ആശംസകൾ നേർന്നു. ജനറൽ സെക്രട്ടറി സൂരജ് നമ്പ്യാർ സ്വാഗതം പറഞ്ഞ ചടങ്ങിൽ പ്രസിഡണ്ട്‌ എൻ ടി വിനോദ് കുമാർ അധ്യക്ഷ പ്രസംഗം നടത്തി. വിവിധ കലാ പരിപാടികൾ കൊണ്ട് ആകർഷമായ പരിപാടിയിൽ സത്യശീലൻ നന്ദി പറഞ്ഞു. പ്രോഗ്രാം കൺവീനർ സുനേഷ് സാസ്‌കോ പരിപാടികൾക്ക് നേതൃത്വം നൽകി. കണ്ണൂരിന്റെ തനതായ രീതിയിൽ പ്രത്യേകം തയ്യാർ ചെയ്ത ഓണ സദ്യ 700 പരം പേർ ആസ്വദിച്ചു.
