കോട്ടയം: ലോലന് എന്ന ഒറ്റ കഥാപാത്രം കൊണ്ട് മലയാള കാര്ട്ടൂണ് രംഗത്ത് തന്റേതായ ഇ
കണ്ടെത്തിയ കാര്ട്ടൂണിസ്റ്റ് ചെല്ലന് (ടി.പി.ഫിലിപ്പ് ) കോട്ടയത്ത് അന്തരിച്ചു. 77 വയസായിരുന്നു. സംസ്കാരം നവംബര് 3 ന്. ചെല്ലന് സൃഷ്ടിച്ച ലോലന് എന്ന കാര്ട്ടൂണ് കഥാപാത്രം കൊച്ചി കേന്ദ്രീകരിച്ച നെവര് എന്ഡിങ് സര്ക്കിള് എന്ന അനിമേഷന് സ്ഥാപനം അനിമേറ്റ് ചെയ്തു കൊണ്ടിരിക്കുകയാണ്. തന്റെ കഥാപാത്രം ചലിക്കുന്നത് കാണും മുന്പാണ് ചെല്ലന്റെ മരണം. 1948 ല് പൗലോസിന്റേയും, മാര്ത്തയുടേയും മകനായി ജനിച്ച ചെല്ലന് 2002ല് കെ.എസ്.ആര്.ടി.സിയില് നിന്ന് പെയിന്ററായി വിരമിച്ചു. കോട്ടയം വടവാതൂരില് വിശ്രമ ജീവിതം നയിക്കുകയായിരുന്നു. മറിയാമ്മ ഫിലിപ്പാണ് ഭാര്യ. പുത്രന് സുരേഷ്.
കാര്ട്ടൂണ് രംഗത്തെ സമഗ്ര സംഭാവനകള്ക്ക് കാര്ട്ടൂണിസ്റ്റ് ചെല്ലന് കേരള കാര്ട്ടൂണ് അക്കാദമി വിശിഷ്ടാംഗത്വം നല്കി ആദരിച്ചു. അദ്ദേഹം രൂപം കൊടുത്ത പ്രശസ്ത കഥാപാത്രമായ ലോലന് ഒരു കാലഘട്ടത്തില് കേരളത്തിലെ കാമ്പസുകളില് തുടര്ച്ചയായി ചിരിയുടെ അലകള് തീര്ത്തിരുന്നു. ലോലന്റെ ബെല് ബോട്ടം പാന്റും വ്യത്യസ്തമാര്ന്ന ഹെയര് സ്റ്റൈലും ഭാവഹാവാദികളുമൊക്കെ കോളജ് കുമാരന്മാര് അനുകരിച്ചിരുന്നു. കലാലയങ്ങളിലെ പ്രണയ നായകന്മാര്ക്ക് ലോലന് എന്ന വിളിപ്പേരും വീണു.
