ബഹ്റൈനിൽ സാറ്റലൈറ്റ് ഡയറക്ട്-ടു-ഡിവൈസ് സേവനങ്ങൾ ആരംഭിച്ചതായി ബഹ്റൈൻ ടെലികമ്മ്യൂണിക്കേഷൻസ് റെഗുലേറ്ററി അതോറിറ്റി പ്രഖ്യാപിച്ചു. ഇത് രാജ്യത്തിടെലികമ്മ്യൂണിക്കേഷൻ രംഗത്ത് ഒരു സുപ്രധാന നാഴികക്കല്ലാണ് .സാറ്റലൈറ്റ് ഡയറക്ട്-ടു-ഡിവൈസ് സേവനങ്ങൾ നടപ്പിലാക്കുന്ന ഗൾഫ് സഹകരണ കൗൺസിലിലെ ആദ്യ രാജ്യമെന്ന നിലയിൽ ബഹ്റൈന്റെ സ്ഥാനം ശക്തിപ്പെടുത്തുന്നതിനുള്ള പ്രധാന ചുവടുവയ്പ്പാണ് ഈ സംരംഭം. സാറ്റലൈറ്റ് ഡയറക്ട്-ടു-ഡിവൈസ് സേവനങ്ങൾ അവതരിപ്പിക്കുന്നതിലൂടെ, അവശ്യ ആശയവിനിമയ സേവനങ്ങൾ എല്ലായ്പ്പോഴും ലഭ്യമാകുന്നുണ്ടെന്ന് ഉറപ്പാക്കുകയും പൗരന്മാർക്കും താമസക്കാർക്കും സന്ദർശകർക്കും സുരക്ഷ, പ്രതിരോധശേഷി, കണക്റ്റിവിറ്റി എന്നിവ വർധിപ്പിക്കുകയും ചെയ്യുകയാണ് ടി.ആർ.എയുടെ ലക്ഷ്യം.
