ഇന്റർനാഷണല് കോണ്ഗ്രസ് ആൻഡ് കണ്വെൻഷൻ അസോസിയേഷൻ മിഡില് ഈസ്റ്റ് ഉച്ചകോടി എക്സിബിഷൻ വേള്ഡ് ബഹ്റൈനില് വിജയകരമായി സമാപിച്ചു.മിഡില് ഈസ്റ്റില് നിന്നും മറ്റ് രാജ്യത്തുനിന്നുമുള്ള 100-ലധികം അന്താരാഷ്ട്ര വിദഗ്ധരും പങ്കെടുത്തു. അസോസിയേഷനുമായി സഹകരിച്ച് ബഹ്റൈനില് ആദ്യമായി നടന്ന ഉച്ചകോടിയില് സമഗ്രമായ പാനല് ചർച്ചകള്, പ്രത്യേക വർക്ക്ഷോപ്പുകള്, ആഗോള മൈസ് വ്യവസായത്തിന്റെ ഭാവി രൂപപ്പെടുത്തുന്ന പ്രധാന വിഷയങ്ങളെ അഭിസംബോധന ചെയ്യുന്ന പ്രചോദനാത്മകമായ സംഭാഷണങ്ങള് എന്നിവ ഉണ്ടായിരുന്നു.ബഹ്റൈൻ ടൂറിസം ആൻഡ് എക്സിബിഷൻസ് അതോറിറ്റി സിഇഒയും എക്സിബിഷൻ വേള്ഡ് ബഹ്റൈൻ ചെയർപേഴ്സണുമായ സാറാ അഹമ്മദ് ബുഹിജി ബഹ്റൈന്റെ നിക്ഷേപങ്ങള്, സുസ്ഥിര ടൂറിസം നവീകരണങ്ങള്, യുവാക്കളെയും സ്ത്രീകളെയും ശാക്തീകരിക്കുന്ന സംരംഭങ്ങള് എന്നിവയില് ശ്രദ്ധ കേന്ദ്രീകരിച്ച് സെഷനില് പങ്കെടുത്തു.മേഖലയിലെ ബിസിനസ് ഇവന്റ് മേഖലയെ മുന്നോട്ട് കൊണ്ടുപോകുന്നതിന് നൂതന ആശയങ്ങളും ദർശനാത്മക ശ്രമങ്ങളും സംഭാവന ചെയ്ത വ്യവസായ പയനിയർമാരെ ആദരിക്കുന്ന ഐസിസിഎ മിഡില് ഈസ്റ്റ് അവാർഡ് ദാന ചടങ്ങോടെയാണ് ഉച്ചകോടി അവസാനിച്ചത്.
