ബഹ്റൈൻ ഇന്ത്യൻ ക്ലബ്ബ് മെയ് ക്വീൻ 2025 സംഘടിപ്പിക്കുന്നു. മെയ് 23 ന് വൈകീട്ട് 6 മണിക്ക് ക്ലബ്ബ് അങ്കണത്തിൽ നടക്കുന്ന ‘ മെയ് ക്വീൻ 2025’ പരിപാടിയിൽ വിവിധ രാജ്യങ്ങളിൽ നിന്നുള്ളവർ പങ്കെടുക്കുമെന്ന് ഇന്ത്യൻ ക്ലബ് പ്രസിഡൻറ് ക്യാഷ്യസ് പെരേര വാർത്താ സമ്മേളനത്തിലറിയിച്ചു .ഇന്ത്യൻ ക്ലബ്ബ് വർഷംതോറും സംഘടിപ്പിക്കുന്ന പരിപാടികളിൽ ഏറ്റവും ശ്രദ്ധേയമാണ് മെയ് ക്വീൻ. ബഹ്റൈനിൽ താമസിക്കുന്ന, 17 മുതൽ 27 വയസ്സു വരെ പ്രായമുള്ള വനിതകൾക്ക് മത്സരത്തിൽ പങ്കെടുക്കാമെന്നും ഭാരവാഹികൾ പറഞ്ഞു. മൂൻവർഷങ്ങളിൽ ബഹ്റൈൻ, ഇന്ത്യ, യു എസ് എ , യു കെ , ശ്രീലങ്ക, നെതർലാന്റ്സ്, റഷ്യ, ഫിലിപ്പൈൻസ്, ഫ്രാൻസ്, തുടങ്ങിയ രാജ്യങ്ങളിൽ നിന്നുള്ളവർ മെയ് ക്വീൻ മത്സരങ്ങളിൽ പങ്കെടുക്കുകയും ഇവരിൽ പലരും വിജയികളാക്കുകയും ചെയ്തിട്ടുണ്ട് .രജിസ്ട്രേഷൻ ഉള്ള അവസാന തീയതി മെയ് 8 ആണെന്നും മെയ് ക്വീനിലായുള്ള ഒരുക്കങ്ങൾ എല്ലാം തന്നെ ഇതിനകം പൂർത്തിയായി കൊണ്ടിരിക്കുകയാണെന്നും ചീഫ് കോഡിനേറ്റർ താമരക്കണ്ണൻ , കൊറിയോഗ്രാഫർ അസർ,കോഡിനേറ്റർ ജോസ്മി ലാലു എന്നിവർ പറഞ്ഞു. മത്സരത്തിൽ ടൈറ്റിൽ വിന്നർകൂടാതെ ഫസ്റ്റ് റണ്ണർ അപ്പ്, സെക്കൻ്റ് റണ്ണർ അപ്പ്, ബെസ്റ്റ് സ്മൈൽ, ബെസ്റ്റ് ക്യാറ്റ് വാക്ക് എന്നിങ്ങനെ വിവിധ വിഭാഗങ്ങളിലെ വിജയികൾക്കും സമ്മാനങ്ങൾ നൽകുന്നതായിരിക്കും. വിജയികൾക്ക് ക്യാഷ് പ്രൈസും കൂടാതെ , ഗിഫ്റ്റ് ഹാമ്പേഴ്സ്, തുടങ്ങിയവയടക്കമുള്ളവ സമ്മാനമായി നൽകും. കാഷ്വൽ വെയർ, എത്നിക് വെയർ, പാർട്ടി വെയർ എന്നിങ്ങനെ മൂന്നു റൗണ്ടുകളിൽ ആയിരിക്കും പ്രധാനമായും മത്സരം നടക്കുക.കൂടുതൽ വിവരങ്ങൾക്ക് ഇന്ത്യൻ ക്ലബ് പ്രസിഡൻറ് കാഷ്യസ് പെരേരയെ 39660475 എന്ന നമ്പറിലോ ജനറൽ സെക്രട്ടറി അനിൽ കുമാറിനെ 39623936 എന്ന നമ്പറിലോ എന്റർടൈൻമെന്റ് സെക്രട്ടറി എസ് നന്ദകുമാറിനെ 36433552 നമ്പറിലോ ബന്ധപ്പെടാവുന്നതാണ്. ജനറൽ സെക്രട്ടറി അനിൽ കുമാർ , അസിസ്റ്റൻറ് ജനറൽ സെക്രട്ടറി ഗോപകുമാർ, എന്റർടൈൻമെന്റ് സെക്രട്ടറി എസ് നന്ദകുമാർ,അസിസ്റ്റൻറ് എൻ്റർടൈൻമൻ്റ് സെക്രട്ടറി റെയ്സൻ വർഗീസ്, വൈസ് പ്രസിഡന്റ് ജോസഫ് ജോയി എന്നിവരും വാർത്താസമ്മേളനത്തിൽ പങ്കെടുത്തു.
