യുഎഇ-ഇന്ത്യ സെക്ടറില് വെട്ടിക്കുറച്ച സൗജന്യ ബാഗേജ് പുനഃസ്ഥാപിച്ച് എയർ ഇന്ത്യ എക്സ്പ്രസ്. ഇന്ന് അർദ്ധരാത്രി 12 മണിക്ക് ശേഷം ബുക്ക് ചെയ്യുന്ന ടിക്കറ്റ് ഉടമകള്ക്ക് 30 കിലോ ബാഗേജ് കൊണ്ടുപോകാം.കഴിഞ്ഞ ഓഗസ്റ്റ് 19ന് ശേഷം ടിക്കറ്റ് ബുക്ക് ചെയ്തവർക്കാണ് ബാഗേജ് പരിധി 30ല് നിന്ന് 20 കിലോയാക്കി കുറച്ചിരുന്നത്. വെട്ടിക്കുറച്ച ബാഗേജ് പരിധി പുനഃസ്ഥാപിക്കണമെന്ന് ആവശ്യപ്പെട്ട് എയർലൈൻ അധികൃതർക്കും കേന്ദ്ര, സംസ്ഥാന സർക്കാരുകള്ക്കും വ്യോമയാന മന്ത്രാലയത്തിനും പ്രവാസികള് പരാതി നല്കിയിരുന്നു. സൗജന്യ ബാഗേജ് പരിധി പുനഃസ്ഥാപിച്ച എയർലൈൻ നടപടി പ്രവാസികള് സ്വാഗതം ചെയ്തു.