കൊച്ചി: ഡോ ഹാരിസ് ചിറയ്ക്കലിനെ കഫീൽ ഖാനുമായി ഉപമിച്ച് അബദ്ധത്തിൽപ്പെട്ട് ബിജെപി നേതാവും മുൻ കേന്ദ്രമന്ത്രിയുമായ വി മുരളീധരൻ. പിണറായി വിജയൻ സർക്കാരിനെ വിമർശിക്കാൻ ഉദ്ദേശിച്ച് പങ്കുവച്ച പോസ്റ്റിലാണ് അബദ്ധം പറ്റിയത്. ഹാരിസ് ചിറയ്ക്കലിനെ കേരളത്തിന്റെ കഫീൽ ഖാനെന്നാണ് വി മുരളീധരൻ വിശേഷിപ്പിച്ചത്. ‘കേരളത്തിലെ കഫീൽ ഖാനെ കള്ളക്കേസിൽ ജയിലിൽ അടയ്ക്കാനാണ് പിണറായിയുടെ നീക്കം. കേരള സ്റ്റോറിക്ക് പുരസ്കാരം ലഭിച്ചതിൽ ആശങ്കപ്പെടുന്ന മുഖ്യമന്ത്രിക്ക് ഇത്രയേറെ മനുഷ്യരുടെ ജീവൻരക്ഷിച്ച ഡോക്ടറെക്കുറിച്ച് ഒരു കരുതലുമില്ലേ എന്നാണ് ചോദിക്കാനുള്ളത്’ – വി മുരളീധരൻ ആദ്യം പങ്കുവച്ച കുറിപ്പ് ഇങ്ങനെയായിരുന്നു.
യുപിയിലെ യോഗി സർക്കാർ പുറത്താക്കിയ ഒരു ഡോക്ടറെ കേരളത്തിലെ ബിജെപി നേതാവ് പിന്തുണയ്ക്കുകയാണോ എന്നതരത്തിലുള്ള കമന്റുകളെത്തിയപ്പോഴാണ് മുരളീധരന് അബദ്ധം മനസ്സിലായത്.നിരവധി ആളുകൾ പരിഹാസവുമായി എത്തിയതോടെയാണ് മുരളീധരന് അബദ്ധം മനസ്സിലായത്. തൊട്ട് പിന്നാലെ പോസ്റ്റ് തിരുത്തുകയും ചെയ്തു.
ഡോ.ഹാരിസ് ചിറയ്ക്കലിനെ കള്ളക്കേസിൽ ജയിലിൽ അടയ്ക്കാനാണ് പിണറായിയുടെ നീക്കം. കേരളാസ്റ്റോറിക്ക് പുരസ്കാരം ലഭിച്ചതിൽ ആശങ്കപ്പെടുന്ന മുഖ്യമന്ത്രിക്ക് ഇത്രയേറെ മനുഷ്യരുടെ ജീവൻരക്ഷിച്ച ഡോക്ടറെക്കുറിച്ച് ഒരു കരുതലുമില്ലേ എന്നാണ് ചോദിക്കാനുള്ളത്. എന്നാണ് പിന്നീട് പോസ്റ്റ് തിരുത്തിയത്.
