ബഹ്റൈൻ ഏറെ പ്രതീക്ഷയോടെ കാത്തിരിക്കുന്ന രാജ്യത്തിൻറെ തനതായ സാംസ്കാരിക ഉത്സവമായ മുഹറഖ് നൈറ്റ്സിന്റെ നാലാമത് പതിപ്പ് ഡിസംബറിൽ ആരംഭിക്കും. ബഹ്റൈൻ അതോറിറ്റി ഫോർ കൾച്ചർ ആൻഡ് ആന്റിക്വിറ്റീസ് ആണ് ഫെസ്റ്റിവൽ ഒരുക്കുന്നത്.ചരിത്രപ്രാധാന്യമുള്ള നഗരമായ മുഹറക്കിനെ ബഹ്റൈൻ രാജ്യത്തിലെ സംസ്കാരത്തിന്റെയും ടൂറിസത്തിന്റെയും ഊർജ്ജസ്വലമായ കേന്ദ്രമാക്കി ഇതിലൂടെ മാറ്റുന്നു.
കല- രൂപകൽപ്പന- സംഗീതം- ടൂറുകൾ- വർക്ക്ഷോപ്പുകൾ എന്നിവയുൾപ്പെടെ വിവിധ മേഖലകളിലുടനീളമുള്ള പുതിയ ഇവന്റുകൾ പരിപാടിയിൽ ഉണ്ടാകും. ഈ വർഷത്തെ ഉത്സവം മാസത്തിലുടനീളം പുതിയ അനുഭവങ്ങൾ നൽകുന്നതിനാണ് രൂപകൽപ്പന ചെയ്തിരിക്കുന്നതെന്ന് ബഹ്റൈൻ അതോറിറ്റി ഫോർ കൾച്ചർ ആൻഡ് ആന്റിക്വിറ്റീസ് സൂചന നൽകുന്നു. .ഈ പരിപാടികൾ ബഹ്റൈൻ കലാകാരന്മാരെയും സംരംഭകരെയും പ്രദർശിപ്പിക്കുകയും പ്രേക്ഷകരുമായി ഇടപഴകുന്നതിനും അവരുടെ പ്രാദേശികമായ സാന്നിധ്യം വിപുലീകരിക്കുന്നതിനും വേദി നൽകുകയും ചെയ്യുന്നു.പരിപാടിയിൽ പങ്കെടുക്കുന്നതിന് താല്പര്യമുള്ള റീട്ടെയിൽ, ഭക്ഷ്യ പാനീയ വിൽപ്പനക്കാർ, വർക്ക്ഷോപ്പ് ഇൻസ്ട്രക്ടർമാർ, സംഗീതജ്ഞർ, വളണ്ടിയർമാർ എന്നിവരിൽ നിന്ന് അപേക്ഷകൾ ക്ഷണിക്കുന്നു എന്ന് ബാക്ക അറിയിച്ചിട്ടുണ്ട്.
