പത്തനംതിട്ട ജില്ലാ പ്രവാസി അസോസിയേഷൻ – ബഹ്റൈൻ ബിഎംസി യുടെ സഹകരണത്തോടെ 2025 മെയ് 1 വ്യാഴ്ച വൈകിട്ട് 6 മണി മുതൽ 11മണി വരെ സൽമാബാദ് ഗൾഫ് എയർ ക്ലബിൽവച്ച് നടത്തുന്ന മെഗാ മ്യൂസിക്കൽ ഇവന്റ് സുവർണ്ണം 2025 ന്റെ ഒരുക്കങ്ങൾ പൂർത്തിയായതായി സംഘാടകർ അറിയിച്ചു.പത്തനംതിട്ട ജില്ലക്കാരുടെ കൂട്ടായ്മയായ പത്തനംതിട്ട ജില്ലാ പ്രവാസി അസോസിയേഷൻ ബഹ്റൈൻ (PAPA) ബഹ്‌റൈനിലെ പ്രവാസികളുടെയും കുടുംബങ്ങളുടെയും കൂട്ടായ്മയിൽ ഒരുക്കുന്ന, ഹൃദയസ്പർശിയായ മെഗാ മ്യൂസിക്കൽ ഈവെന്റ് ആണ് സുവർണം-2025.
യൂണികോൺ ഇവന്റ് മാനേജ്മെന്റ് കമ്പനി ടൈറ്റിൽ സ്‌പോൺസറായി പാപ്പ യ്ക്ക് പിന്തുണ നൽകുന്നു.പ്രോഗ്രാമിൽ പങ്കെടുക്കുന്ന പ്രശസ്ത പിന്നണിഗായിക രഞ്ജിനി ജോസ്, ഭാഗ്യരാജ് ആൻഡ് ബാൻഡ് ടീം ബുധനാഴ്ച ബഹ്‌റൈനിൽ എത്തിച്ചേരും കൂടാതെ വിശിഷ്ടാതിഥിയായി പങ്കെടുക്കുന്ന കോന്നി എംഎൽഎ കെ യു ജനീഷ് കുമാറും ബുധനാഴ്ച ബഹ്‌റൈനിൽ എത്തിച്ചേരും.സുവർണം 2025 എന്ന മഹത്തായ പദ്ധതിയുടെ ഭാഗമായി,ബഹ്‌റൈനിൽ താമസിക്കുന്ന പത്തനംതിട്ട ജില്ലയിലുള്ള ഒരു പ്രവാസിക്ക്, അസോസിയേഷൻ തന്റെ സ്വന്തം നാട്ടിൽ – സ്വന്തം ഉടമസ്ഥതയിലുള്ള സ്ഥലത്ത് – മനോഹരമായ ഒരു സ്വപ്നഭവനം നിർമ്മിച്ച് സമ്മാനിക്കുന്നു.ഈ പ്രോഗ്രാം പ്രവേശനം തികച്ചും സൗജന്യമാണ്!സംഗീതം, സമൂഹസേവനം, ഒപ്പം സഹവാസത്തിന്റെ ആഘോഷം – സുവർണം 2025 ലേക്ക് എല്ലാവരെയും നിറഞ്ഞ ഹൃദയത്തോടെ ഗൾഫ് എയർ ക്ലബ്ബിലേക്ക് സ്വാഗതം ചെയ്യുന്നു.
