പാലക്കാട് ജില്ലക്കാരുടെ കുടുംബ കൂട്ടായ്മയായ പാലക്കാട് പ്രവാസി അസോസിയേഷൻ ഇത്തവണത്തെ ഓണാഘോഷം “പൊന്നോണം 2024” ലാളിത്യം കൊണ്ടും പങ്കാളിത്തം കൊണ്ടും ശ്രദ്ധേയമായി.
വയനാട് ദുരന്തത്തിന്റെ പശ്ചാത്തലത്തിൽ ആർഭാടങ്ങൾ കഴിവതും ഒഴിവാക്കി സംഘടിപ്പിച്ച പരിപാടിയിൽ,എൽഎംആർഎ അസിസ്റ്റൻറ് അണ്ടർ സെക്രട്ടറി അഹ്‌മദ്‌ ജാഫർ അൽ ഹയ്‌ക്കി മുഘ്യ അതിഥിയായി പങ്കെടുത്ത ചടങ്ങിൽ,എസ്എൻസിഎസ് ചെയർമാൻ കൃഷ്ണകുമാർ,സെക്രട്ടറി ശ്രീകാന്ത്,കെഎംസിസി സെക്രട്ടറി ഗഫൂർ കൈപ്പമംഗലം എന്നിവർ ആശംസനേർന്നു സംസാരിച്ചു.
ധന്യ വിനയനും,വാണി ശ്രീധറും നിയന്ത്രിച്ച പരിപാടിയിൽ കൺവീനർമാരായ സതീഷ്,പ്രദീപ്,മണി,രാകേഷ്,അജയ് തുടങ്ങിയവരും,പാലക്കാട് പ്രവാസി അസോസിയേഷൻ രക്ഷാധികാരികളായ ജയശങ്കർ,ശ്രീധർ തേറമ്പിൽ,ദീപക് മേനോൻ എന്നിവരും ആശംസ നേർന്നു സംസാരിച്ചു.
സോപാനം വാദ്യകലാസംഗം അംഗങ്ങളുടെ പഞ്ചാരിമേളത്തോടെ ആരംഭിച്ച പരിപാടിയിൽ കൂട്ടായ്മയിലെ വനിതാവിഭാഗം അവതരിപ്പിച്ച തിരുവാതിരകളി,കുമാരി അഞ്ജന നായർ അവതരിപ്പിച്ച ഭരതനാട്യം ഓണപ്പാട്ടുകൾ,കുട്ടികളുടെയും മുതിർന്നവരുടെയും ഫാഷൻ ഷോ,ഗാനങ്ങൾ,മറ്റു നൃത്തങ്ങൾ തുടങ്ങി സന്തോഷ് കടമ്പഴിപ്പുറവും,മണിയും,സൈദ്ഉം,സുരേഷും ചേർന്ന് പാചകം നിർവഹിച്ച പാലക്കാട് വള്ളുവനാടൻ രീതിയിലുള്ള ചെയ്ത സ്വാദിഷ്ടമായ ഓണസദ്യയും അതി ഗംഭീരമായി.
അല്മോയ്യദ്‌ ഇന്റർനാഷനൽ സിഫ്ഓ അജയ് ജെയിൻ,ന്യൂ ഇന്ത്യൻ സ്കൂൾ പ്രിൻസിപ്പൽ ഗോപിനാഥ് മേനോൻ,മുൻ ഇന്ത്യൻ സ്കൂൾ ചെയർമാൻ എബ്രഹാം ജോൺ,സോപാനം ആശാൻ സന്തോഷ് കൈലാസ് എന്നിവരും ആശംസകൾ അർപ്പിച്ചു സംസാരിച്ചു.
