ബഹ്‌റൈനിലെ പാലക്കാട്ടുകാരുടെ കുടുംബ കൂട്ടായ്മയായ പാലക്കാട് പ്രവാസി അസോസിയേഷനും,പ്രമുഖ ട്രാവൽ കമ്പനിയായ അൽ സബീൽ ടൂർസും സംയുക്തമായി സംഘടിപ്പിച്ച “വേൾഡ് ആർട്ട് ഡേ” മത്സരത്തിലെ വിജയികളെ,വേൾഡ് ആർട്ട് ദിനമായ ഇന്ന് ഏപ്രിൽ 15 നു പ്രഖ്യാപിച്ചു.ജൂനിയർ,സീനിയർ എന്നീ വിഭാഗങ്ങളായി തിരിച്ച മത്സരത്തിൽ നൂറിൽ പരം വിദ്യാർഥികൾ പങ്കെടുത്തു,പൂർണ്ണമായും ഓൺലൈനായി നടന്ന മത്സരം,നൂതന സാങ്കേതികവിദ്യയുടെ ഉപയോഗം,വിദൂര നിരീക്ഷണ സംവിധാനം കൂടാതെ നേരിട്ടുള്ള ആധികാരതാ നിർണയം തുടങ്ങിയവയുടെ ഉപയോഗം മൂലം തികച്ചും സുതാര്യമായും കുറ്റമറ്റതുമായി വിധി നിർണയം നടത്താൻ കഴിഞ്ഞു,പ്രാഥമിക തിരഞ്ഞെടുക്കലുകൾക്കു ശേഷം,അൻപതിൽ പരം ചിത്രങ്ങളിൽ നിന്നും,മുഖ്യ വിധികർത്താവ് സൗമി മൊണ്ഡൽ ,ശാലിനി ദാമോദർ,പല്ലവി അനിൽ കുൽകാനി എന്നിവർ യഥാക്രമം ആറു വിജയികളെ തിരഞ്ഞെടുത്തു,അസോസിയേഷൻ പ്രതിനിധികളായ ജയശങ്കർ,പ്രസാദ്,ഹർഷ പ്രദീപ് എന്നിവരും.അൽ സബീൽ പ്രതിനിധികളായ അജിത്ത് ,നിഷ ,സാറ തുടങ്ങിയവരുടെയും സാന്നിധ്യത്തിൽ മുഖ്യ വിധികർത്താവ് സൗമി മൊണ്ഡലാണ് വിജയികളെ പ്രഖ്യാപിച്ചത്.
ജൂനിയർ വിഭാഗം വിജയികൾ
ഒന്നാം സമ്മാനം (ആർദ്ര രാജേഷ്)
രണ്ടാം സമ്മാനം (ശ്രുതിലയ പ്രഭാകരൻ)
മൂന്നാം സമ്മാനം (ഫാത്തിമ സന)
സീനിയർ വിഭാഗം വിജയികൾ
ഒന്നാം സമ്മാനം (ദിയ ഷെറീൻ)
രണ്ടാം സമ്മാനം (ശ്രീഹരി സന്തോഷ്)
മൂന്നാം സമ്മാനം (ലിനറ്റ് റോസ് ലൈജു)
കൂടാതെ ജൂനിയർ വിഭാഗത്തിൽ തരുൺ ദേവ് അഭിലാഷ്,ആദിഷ് രാകേഷ് എന്നിവരും സീനിയർ വിഭാഗത്തിൽ സ്റ്റീവ് ജൂഡ് ഡേവിസും പ്രത്യേക പരാമർശത്തിനു അർഹരായി. എല്ലാ വിജയികൾക്കും ട്രോഫികളും,സർട്ടിഫിക്കറ്റുകളും മറ്റു സമ്മാനങ്ങളും ഏപ്രിൽ 18 വെള്ളിയാഴ്ച നടക്കുന്ന പാലക്കാട് പ്രവാസി അസോസിയേഷൻ വിഷു സംഗമത്തിൽ വെച്ച് നൽകും,ഏപ്രിൽ 19 മുതൽ പങ്കെടുത്ത എല്ലാ വിദ്യാർത്ഥികൾക്കും നൽകുന്ന സർട്ടിഫിക്കറ്റുകളും,സമ്മാനങ്ങളും അൽ സബീൽ ടൂർസ് ഓഫീസിൽ നിന്നും സ്വീകരിക്കാവുന്നതാണ് എന്നും ഭാരവാഹികൾ അറിയിച്ചു.മത്സരത്തിൽ പങ്കെടുത്ത എല്ലാ വിദ്യാർത്ഥികൾക്കും,വിജയികൾക്കും,രക്ഷിതാക്കൾക്കും പാലക്കാട് പ്രവാസി അസോസിയേഷൻ പ്രവർത്തക സമിതിയും അൽ സബീൽ ടൂർസും പ്രത്യേക നന്ദിയും,അഭിനന്ദനങ്ങളും അറിയിച്ചു.
കൂടുതൽ വിവരങ്ങൾക്ക് പ്രസാദ് (37223855) അജിത്ത് (36818747) എന്നിവരെ ബന്ധപെടുക.
