നടൻ പൃഥ്വിരാജിന്റെ ജന്മദിനത്തോടനുബന്ധിച്ച് പൃഥ്വിരാജ് ഫാൻസ് ബഹ്റൈൻ യൂണിറ്റും കിംസ് ഹെൽത്ത് മെഡിക്കൽ സെന്ററും സംയുക്തമായി സംഘടിപ്പിച്ച സൗജന്യ മെഡിക്കൽ ക്യാമ്പ് വൻ വിജയമായി.
പ്രവാസജീവിതത്തിന്റെ തിരക്കുകൾക്കിടയിൽ പലപ്പോഴും ശ്രദ്ധിക്കാൻ കഴിയാതെ പോകുന്ന ആരോഗ്യപ്രശ്നങ്ങൾക്ക് ഒരു പരിഹാരം എന്ന നിലയിലാണ് സൗജന്യ മെഡിക്കൽ ക്യാമ്പ് സംഘടിപ്പിച്ചത്.
പൃഥ്വിരാജ് ഫാൻസ് ബഹ്റൈൻ യൂണിറ്റ് നടത്തിക്കൊണ്ടിരിക്കുന്ന സാമൂഹ്യസേവനങ്ങളുടെ ഭാഗമായാണ് മെഡിക്കൽ ക്യാമ്പ് സംഘടിപ്പിച്ചത്. കഴിഞ്ഞ വെള്ളിയാഴ്ച (ഒക്ടോബർ 17) നടന്ന ക്യാമ്പിൽ 400 ൽ കൂടുതൽ ആളുകൾ പങ്കെടുത്തു. ക്യാമ്പിൽ പങ്കെടുത്ത എല്ലാവർക്കും, കൂടാതെ കിംസ് ഹെൽത്ത് മെഡിക്കൽ സെന്ററിനും പൃഥ്വിരാജ് ഫാൻസ് ബഹ്റൈൻ യൂണിറ്റ് നന്ദി അറിയിച്ചു.പ്രസിഡന്റ് – വൈശാഖ്,സെക്രട്ടറി – റിജിൻ,മെഡിക്കൽ ക്യാമ്പ് കോർഡിനേറ്റർമാരായ -സ്റ്റെഫി സാബു,നിയാസ്,ഇവന്റ് കോർഡിനേറ്റർമാരായ- ബിബിൻ, ലിജേഷ്,ജീവൻ ,റിജിൻ സർക്കാർ എന്നിവർ പങ്കെടുത്തു.
