സമസ്ത നൂറാം വാർഷിക പ്രചാരണ സമ്മേളനത്തിൻ്റെ ഭാഗമായി സമസ്ത ബഹ്റൈൻ സൽമാനിയ കെ സിറ്റി ഓഡിറ്റോറിയത്തിൽ സംഘടിപ്പിക്കുന്ന ബഹ്റൈൻ പ്രചാരണ സമ്മേളനം സമസ്ത കേരള ജംഇയ്യത്തുൽ ഉലമയുടെ പ്രസിഡൻ്റ് സയ്യിദുൽ ഉലമാ സയ്യിദ് മുഹമ്മദ് ജിഫ്രി മുത്തുക്കോയ തങ്ങൾ ഉദ്ഘാടനം ചെയ്യും.
ബഹ്റൈനിലെ സമസ്തയുടെ വിവിധ ഏരിയകളിൽ നിന്നും തിരഞ്ഞെടുക്കപ്പെട്ട അംഗങ്ങൾക്കുള്ള പ്രതിനിധി ക്യാമ്പിൽ പ്രമുഖവാഗ്മിയും യുവപണ്ഡിതനുമായ സലാഹുദ്ദീൻ ഫൈസി വല്ലപ്പുഴ വിഷയാവതരണം നടത്തും.നൂറാം വാർഷികത്തിന്റെ ഭാഗമായി വിഖായ സംഗമം സമസ്ത ബഹ്റൈൻ വർക്കിംഗ് പ്രസിഡൻ്റ് വി കെ കുഞ്ഞിമുഹമ്മദ് ഹാജി ഉദ്ഘാടനം ചെയ്തു.സേവനത്തിലെ ആത്മീയത
വളണ്ടിയേഴ്സ് രൂപരേഖ സംഘടന സംഘാടനം എന്നീ വിഷയങ്ങളിൽ അശ്റഫ് അൻവരി സജീർ പന്തക്കൽ റബീഅ് ഫൈസി എസ്. എം അബ്ദുൽ വാഹിദ് എന്നിവർ സംസാരിച്ചു.
എസ് കെ എസ് എസ് എഫ് ബഹറൈൻ ജനറൽ സെക്രട്ടറി നവാസ് കുണ്ടറ സ്വാഗതവും,വളണ്ടിയർ കൺവീനർ അഷറഫ് നന്ദി പറഞ്ഞു.എസ് കെ എസ് എസ് എഫ് ബഹ്റൈൻ വൈസ് പ്രസിഡൻ്റുമാരായ അബ്ദുൽ മജീദ് ചോലക്കോട് ,ഉമൈർ വടകര ,ജോയിൻ സെക്രട്ടറിമാരായ അഹമ്മദ് മുനീർ, റാഷിദിൽ കക്കട്ടിൽ മുഹമ്മദ് പെരിന്തൽമണ്ണ മനാമ ഏരിയ ജോയിൻ സെക്രട്ടറി അബ്ദുൽ റഊഫ് മുഹമ്മദ് സാലിഹ് ,അബ്ദുൽ ജബ്ബാർ,സക്കീർ എന്നിവർ പരിപാടിക്ക് നേതൃത്വം നൽകി.
