ബഹ്റൈൻ സമ്മർ ടോയ് ഫെസ്റ്റിവലിന്റെ’ രണ്ടാം പതിപ്പിന്റെ സമാപനം ബഹ്റൈൻ ടൂറിസം ആൻഡ് എക്സിബിഷൻസ് അതോറിറ്റി (ബിടിഇഎ) പ്രഖ്യാപിച്ചു.താമസക്കാരും വിനോദസഞ്ചാരികളും ഉള്പ്പെടെ ഏകദേശം 1,20,000 സന്ദർശകരെ ഫെസ്റ്റിവല് സന്ദർശിച്ചു. ബിയോണ്, അല് ദന ആംഫി തീയേറ്റർ, ബഹ്റൈൻ ഇന്റർനാഷണല് എക്സിബിഷൻ സെന്റർ (ബിഐഇസി) എന്നിവയുടെ പങ്കാളിത്തത്തോടെ സംഘടിപ്പിച്ച ഈ ഫെസ്റ്റിവല്, രാജ്യത്തെ പ്രധാന കുടുംബ വിനോദ കേന്ദ്രമെന്ന സ്ഥാനം കൂടുതല് ഉറപ്പിച്ചു.
അതുല്യ വിനോദ അനുഭവമെന്ന നിലയില് ഫെസ്റ്റിവലിന്റെ വർധിച്ചുവരുന്ന പ്രശസ്തി തുടർച്ചയായ രണ്ടാം വർഷവും ശക്തിപ്പെടുത്തിയതായി ബിടിഇഎ റിസോഴ്സസ് ആൻഡ് പ്രോജക്ട്സിന്റെ ഡെപ്യൂട്ടി സിഇഒ ദന ഒസാമ അല് സാദ് സ്ഥിരീകരിച്ചു. ബഹ്റൈന്റെ വാർഷിക ഇവന്റ് കലണ്ടറിലെ ഒരു പ്രധാന ഘടകമായി പരിപാടി മാറി. രാജ്യത്തിന്റെ ടൂറിസം ഓഫറുകളുടെ വൈവിധ്യവല്ക്കരണത്തിനും വേനല്ക്കാലത്ത് ഗള്ഫ് കുടുംബങ്ങള്ക്ക് പ്രിയപ്പെട്ട സ്ഥലമെന്ന നിലയില് അതിന്റെ ആകർഷണം ശക്തിപ്പെടുത്തുന്നതിനും ഇത് സംഭാവന ചെയ്യുന്നുവെന്നും അവർ പറഞ്ഞു.
ആറ് ആഴ്ച നീണ്ടുനിന്ന കാലയളവില് രേഖപ്പെടുത്തിയ ഗണ്യമായ സാന്നിധ്യത്തില് നിന്നാണ് ഫെസ്റ്റിവലിന്റെ വിജയം വ്യക്തമാകുന്നതെന്ന് അല് സാദ് അഭിപ്രായപ്പെട്ടു.ഉത്സവത്തിന്റെ ഉയർന്ന സംഘാടന നിലവാരം ഉറപ്പാക്കുന്നതില് നിർണായക സംഭാവനകള് നല്കിയ 180 ബഹ്റൈൻ വളണ്ടിയർമാരുടെ നിർണായക പങ്കിനെ അല് സാദ് പ്രശംസിച്ചു. സാമൂഹിക ഉത്തരവാദിത്തത്തോടുള്ള പ്രതിബദ്ധതയുടെ ഭാഗമായി, ബഹ്റൈൻ സമ്മർ ടോയ് ഫെസ്റ്റിവല് നിരവധി ചാരിറ്റബിള് സംഘടനകള്ക്കും ദേശീയ സംരംഭങ്ങള്ക്കും ആതിഥേയത്വം വഹിച്ചു.
