ബഹ്റൈനിലുടനീളമുള്ള സാംസ്‌കാരിക, പൈതൃക കേന്ദ്രങ്ങളിലേക്കുള്ള പ്രവേശനം മെച്ചപ്പെടുത്തുന്ന യാത്രാ സൗകര്യങ്ങൾ വികസിപ്പിക്കുന്നതിനായി ബഹ്റൈൻ അതോറിറ്റി ഫോർ കൾച്ചർ ആൻഡ് ആന്റിക്വിറ്റീസുമായി , മന്ത്രാലയം ഏകോപിപ്പിക്കുന്നുണ്ടെന്ന് ഗതാഗത- ടെലികമ്മ്യൂണിക്കേഷൻ മന്ത്രി ഡോ. ഷെയ്ഖ് അബ്ദുള്ള ബിൻ അഹമ്മദ് അൽ ഖലീഫ.പൊതുഗതാഗത ശൃംഖലയുമായി സാംസ്‌കാരിക കേന്ദ്രങ്ങളെ ബന്ധിപ്പിക്കുന്നതിനുള്ള ഓപ്ഷനുകൾ വിലയിരുത്തൽ, സുസ്ഥിര സാംസ്‌കാരിക പാതകൾ വികസിപ്പിക്കൽ, പൗരന്മാർക്കും താമസക്കാർക്കും സന്ദർശകർക്കും പ്രവേശനക്ഷമത മെച്ചപ്പെടുത്തുന്നതിന് സാംസ്‌കാരിക സീസണുകളിലും പരിപാടികളിലും ഗതാഗത സേവനങ്ങൾ ഏകോപിപ്പിക്കൽ എന്നിവ ഏകോപനത്തിൽ ഉൾപ്പെടുന്നു.സാംസ്‌കാരിക, ഗതാഗത ആസൂത്രണത്തെ പിന്തുണയ്ക്കുന്നതിനും സാംസ്‌കാരിക സൈറ്റുകളിലേക്കും പരിപാടികളിലേക്കും പ്രവേശനം മെച്ചപ്പെടുത്തുന്നതിനും ഏകോപനം സഹായിക്കുമെന്ന് ബി.എ.സി.എ. പ്രസിഡന്റ് ഷെയ്ഖ് ഖലീഫ ബിൻ അഹമ്മദ് അൽ ഖലീഫ പറഞ്ഞു.
